توابع قصتي

السلام عليكم
كيف حالكم احوائيات
اكتب تطورات قصتي بعد مارحت المحكمه وتكلمت طبعا زوجي اعترف انه كان ماخذها فتره مسيار وتركها
والحشيش نكر انه يستخدمه بس قلت له انك راسل انك جالس تتعالج وجلس يعترف وانه تعالج من نفسه وعنده اثبات حق هالشي من مستشفى الامل انه تعالج وراح يجيبه الجلسه الجايه
واهله راسلين لي انه يطلبوني طلب اني مااتخلى عنه واني قدر اغير اشياء ماقدرو يغيرونهم ويقدمون كل الشكر لي وان لي ثواب كبير وراح احصل ثواب من ربي اكبر لو كملت معاه بدون ماتراجع واتطلق ويحلفوني باعز مااملك ماتركه بنص الطريق واهو كلا تعبان ودايم يفكر فيني لانه يحبني ويقولون ان ابغض الحلال عند الله الطلاق ومايصير من اول مشكله تواجهه حياتنا اروح اتطلق بدون مااحاول اعالجها
ويبوني افكر اكثر بدون تاثير اهلي علي قبل الجلسه الثانيه ويبون ردي ومايبوني اتركهه بنص الطريق
ولو وحده من بنات خواتك كان مارضو يتطلقون كان حاولو مره مرتين لين يتصلح الوضع
وانا خاايفه يكون كلامهم كله كذا وخايفه ارجع له وترجع حليمه لعادتها القديمه من خلال ماقريته من النت ان الغاالب يرجع ع نفس الطريق والحياه معاه عذاب بعذاب
وموقف اهلي للحين ماتغيير ابد ابد القطو الكبير مايتربى وانا عندي راي اهلي مهم في حيياتي
والموضوع لو كان ع الحرمه كان ماطلبت الطلاق كذا بس اللي مخوفني الحشيش واثاره واضراره واهلي رايهم اللي عرف الطريق مايقدر يسكر الباب وممكن فتره يتركه ويرجع له بعدين
واسئلكم انا هل استعجلت مثل ماقالوا بطلب الطلاق!!
واني لازم احاول معاه اكثر واصدق كلامهم انه تغيير للافضل والاحسن
ماعندي اعييال منه وكلها شهرين جلست معااه يعني كانت فترك خطوبتنا اطول من زواجنا