تواصلت مع زوجي ي بنات

تواصلت مع زوجي بسبب وجود غرض لاختي عنده بالبيت وطلبته منه واتكلمت معه كلام كثير ومطول ي بنات وعلمته عن سبب نزولي لمكه 
قالي خلاص وهجد ي بنات  طالما هذا سبب نزولك من مكه كان رفعتي علي سماعه وبلغتيني واجيك وانزلك انتي وعمتي مكه بدون خفاء وتروحين من وراي لواتصلتي بي الساعه ٣ او٢ يالليل مافي مشكله استحاله اقولك لا اما تنزلين من وراي هذا خداع صريح  وتريني شفتك ونتي نازله وطلعتي بسياره الهوندا الحمراء قلتله ليش انت كنت  مراقب؟قالي لا مومراقب ابدا بس بين نزةلك من سيارتي وطلوعك بالهوندا الحمراء اقل من ربع ساعه 
المهم ي بنات بيجي عند ابوي الاسبوع الجايي ويتفاهم معاي ومع ابوي وبيرجعني
لكن ي بنات في تراكمات كثيرة ومشاكل بيني وبين زوجي من قبل كنت بفاتحه بالموضوع بس سكت ولاحبيت احرك جروح قديمه ومن اهم السلبيات الي صرت اعاني منها هو بخله مدري هل ذا بخل ولالا ي بنات
مثلا يجيب اغراض يقعد يحسب ويحرص اني اعرف انه شي غالي جدا ويحرص يوريني الفاتورة مع ان كلها مقاضي للبيت من ماكولات ومشروبات واساسيات للبيت
واذا صرف مبلغ يجي اخر اليوم يتحلطم ويقول صرفت المبلغ الفلاني اليوم طلعنا ب٣٠٠ ريال مثلا اخر اليوم واحسه صاير يتحسف جدا على الريال قبل لايصرفه
مدري وش جاه اول زواجنا ماكان كذا ابدا حتى مصروفي،نقصه كان يعطيني الف ريال وبعدها نقصه صار،يعطيني ٦٥٠ولايبغى يجيب لي بطاقه شحن يوم طلبته مرة بطاقه شحن ب٥٠ جلس يناقشني ويقولي من مصروفك الشحن المفروض ويقولي اذا كذا ماله داعي المصروف ابدا قلتله ي حبيبي المصروف اجيب به ملابس ومكياج وعطورات اما زي بطاقه الشحن وشغلات،الصيدليه والكريمات واللوشنات والشامبو والصابون هذي برا المصروف لان الدنيا غلا انت عارف ال٦٥٠ ماتسوي شي،بذا الزمن
اذاالعطر،الواحد ب٢٠٠ ريال كيف تبغى ٦٥٠ واذا باخذ كريم مثلا اوشغله من الصيدليه من مصروفي مثلا ب٢٥٠ مابيببقى لي الا ٣٥٠ وش تكفي ملابس اوعطور اومكياج
جلس،يقولي تشيلين ال٣٥٠ وتحطينها على ال٦٥٠ حقت الشهر الجايي بيصير عندك مبلغ ٩٥٠ تقريبا  يمديك تشترين منه ملابس اومكياج اوعطور اوالي تبغينه 
الصراحه هذا الموضوع متعبني له فترة طويله ومااقولكم انه معدم ي بنات عشان اراعيه والله عنده خير وفلوس ويسلف الناس دايما اخر شي  سلف اخوة قبل لايوديني بيت اهلي مبلغ ٥ الاف ريال ؟!ابي رايكم ي بنات ارجع له ولاخلاص اقوله يرسل ورقه طلاقي طالما مافي بيننا اطفال بكرة الاطفال يبغى لهم بامبروز وحليب وحفايظ وتطعيمات ومستشفيات والخ لاني انسانه اهم شي عندي عزه نفسي ولااحب اذل نفسي بالطلبات حقت البيت واقعد بمجادله معاه وهو يتحلطم على الي دفعه باي شي اي شي يجيبه يقعد يتحلطم ويناظر برساله الخصم ولاادري وش اقول له وقتها غير ادعي له ان ربي يرزقه ويوسع عليه لاني ماابغى معاه مشاكل اوزعل
سالتكم بالله هل يحق لي انفر،منه وافكر بالطلاق مدري هل يعتبر هذا بخل ولالا ؟!؟! شورو علي ي بنات زوجي انسان طيب وصريح ويصلي ولاله بالاستراحات وجمعات الشباب ولاله باللف والدوران وانسان مثقف ومطلع بس صفه الشح هذي خلتني انفر منه وافكر بالانفصال قبل لايجيني اطفال واتوهق معاه ولعلمكم مازاجهته ولاقلتله تصرفاتك هذي بخل.
احاول امشي حياتي وماودي اخرب بيتي 
اتخيلو ي بنات لدرجه العيد الي فات جبت خدامه امه عندي تساعدني بشغلات بالبيت  والادميه مسكينه  نحيفه ماتاكل وماهي شرهه ابدا وكنا حاطين سله تشوكلت من باتشي ومن بستان على طاوله الصاله ونحن رايحين ننام اتفاجئ انه ماخذ،منشقه صغيرة ويغطي بها صحن التشوكليت واساله اقوله ليه تسوي كذا قالي لانه يخاف تخلص التشوكليت
وخليته لين نام ورحت شلت المنشفه هذا فيض من غيض ي بنات  وهذي أمثله بسيطه  ؟!رايكم ي بنات