توافقوني اولا؟؟ اهل الزوج يحترمون الي اهلها مدلعينها وبنت عز

نعم وبشده
خالتي اهل زوجها حافينها حوف عشانها بنت عز
حتى بفتره الملكه اهله يقولون هاه وين بتوديها شهر عسل هذي بنت فلاان الفلاني
وحتى من سوالف خوات زوجها معها وراضح قاطين ومركزين بحياه خوالي اكثر منا 😂
الفلوس والأهل عز تسوي لك قيمه
الله يخلف علينا ويعوضنا

بصراحه نعم
من ناحيه المظاهر يعني بيحرصون يطلعون بصوره حلوه
زواج مرتب يبيون انهم بيحطونها بمستوى اهلها
لكن عاد التعامل يختلف ، ممكن يهتمون بالمطاهر ويطيرون فيها لكن ممكن يغاروا يسببوا مشاكل اذا بالاصل هم راعيين مشاكل

اي يحترمونها و يقدرونها و يعملولها الف حساب

ممكن اكيد الناس مو سواسيه
انا زوجي اعلى منا بمراحل
ووحده من سلفاتي اعلى منهم وابوها منصب كبير بس مااشوف حماتي تميز احد او اخوات زوجي

حبيبتي من الشي اللي اشوفه مو لازم الاهل يكونون اغنياء وطبقه عاليه لاكن يكون مستواهم زين متوسط تقريبا اهم شي سمعة الاهل فاكيد راح تكون معاملة الزوج على ها الاساس
الرجال الطيب الكريم راعي الفزعه الكل يتسابق على بناته ويحسب لهن الف حساب
واصلا لو حصل وطلقت بنته فالكل بعد يخطبها ودايم الرجال يهاب الرجال المعروف بين جماعته
ابوي ياعمري ماسفرنا ولا مشانا لاكن بنى له ولنا سمعه الكل يفتخر فيها والله ان حتى زوجي يخاف يأخذ علي يدري لو ابخليه ماراح اجلس كلن يبينا
ولا ابالغ لو قلتلكم ان اخوان زوجي متزوجين بس معاملة اهل زوجي معي غير عن الثانيات واذا تكلمو عن ابآئهم رفعت راسي لان ابوي غير
الله يطول بعمره ويخليه لنا يارب