صحيح الحريم يحبون الذكور
حتى على مستوى الحمل
نادر ما تلقين وحده تتمنى بنات
من اول حمل تحاول في الولد
و هذا من حقها بس ما ننكر ان الحريم يحبون الاولاد ع البنات
و بعضهم يصلون لمرحله التذمر
والتسخط و المشكله تلقين عندها عيال بس تبي اكثر
هذا اصغر مثال مر علي
ولا زلت في حيره
ما سبب حب الذكور ا؟
اتوقع الامر اما فطره من الله عز وجل
او انه ترسبات من مليون سنه

وما ابي ازيد على ان اللي يخاف الله ما يزني ولا يكلم غير محارمه
ان ضاقت فيه السبل تزوج 2
او يصبر
مو كلنا صابرين على اشياء ما نبغاها
لو كل واحد لقى عذر لشيء محرم انهارت الامه

لاننا في مجتمع للاسف يعلي ويبعد عيوب الرجال ويكبر ويضخم عيوب المرأة وترى هذا الشي يبدا من الصغر لما نربي الولد على انه كائن ما يؤمر ولا له شغله في الدنيا الا انتقاد اخواته ويتعامل معهم كانهم شغالات وكانه وصي عليهم حتى لو هو ابو عشر سنين
هذي تربية غلط
لازم تكون التربية مسئولية انت مسئول عن اختك صح لكن مسئول عنها تشيل عنها الصعب في الحياة وتكون شريك معها ومساند
مو يصعب عليها الحياة وينكدها عليها بمباركة المجتمع
حتى الام يحس نفسه وصي على امه
مره مر عليه موضوع في تويتر تابعته باهتمام
لو امك لسا في الاربعين وتقدم لها زوج توافق ؟ ولو ابوك فكر يتزوج على امك او امك متوفية وهو كبير توافق يتزوج ؟
الاغلبية حسوا ان زواج الام عيب " وين العيب اذا هو حلال ! "؟ وكانها جالسه تزني والعياذ بالله وانها حقيرة لو فكرت تتزوج ! وحط نفسه وصي على امه ! شايفين كيف وصلت فيهم وصاية !
على امك اللي ربتك جالس تسوي وصي !
والعكس ابوه يحضر زواجه ومنه حقه يتزوج !
واقول اذا تبون مجتمعكم يتغير ؟ غيروا تربيتكم لعيالكم
وماراح يتغير مباشرة لانها اجيال واجيال تربوا كذا لكن التغيير يبدأ بنقطة
لازم تربون الولد انه يخفف صعاب الحياة على اهله مو العكس وعلى المسئولية وعلى ان الرجولة في السعادة اللي يجيبها لاهله مو الاستقعاد وان لكل انسان قدامه كيان مو هو اللي يتحكم فيه او يحدد له حياته
ولازم يكون له مسئولياته في البيت ومساواته مع البنت في بعض الامور ماراح يضره لو شال الاكل اللي بعده او ساعدك شوفي في حشي السنبوسة
او وقف على الصحون يغسلها وانت تسولفين معاه من وقت للثاني
يحس انه هذا مو غلط ولا عيب ولا يجرح رجولته لان الرجولة مو بهذي الوضاعه اللي تقلل منها مساعدة الاهل والاهتمام فيهم
الرجولة لازم يفهمونها انها قيمة ومسئولية منطق وكيان واخلاق

حسبي الله على كل شخص يؤمن بهالنظريه ويصدقها

خذي لفه على مواضيع الحوائيات هنا وبتعرفين ليش خيانة الرجال يحطون لها مليون عذر وحجه لدرجة ان الحرمه تركب نفسها مسؤلية الزنا واللواط والعاده السريه لزوجها

وتجلد ذاتها وتحتقر نفسها وتعيش اكتئاب وهي تلهث وراه عشان تعجبه وترضيه وثلاث ارباع جنـس حواء نفس الشي يتعاطفون مع الرجال ويجلدون الحرمه وعادي الوحده يخونها زوجها وماتعطي اي رد فعل وتسامح وتمشيها وتستر عليه ويستمر مسلسل الخيانه الى ماله نهايه .

بإختصار الرجال ماله أي عذر ولا حجه بالخيانه لانه في اسوء الظروف وفي عز الاهمال لو افترضنا في اهمال يقدر يعف نفسه بالحلال

الخيانه مالها عذر

هي مجرد خيانه واتباع شهوات ورغبات النفس ولان البنات سهل الوصول لهم في زماننا

اذا ماعنده رادع معنوي وذاتي ومافي تعظيم للحلال والحرام ومافي خطوط حمرا يوقف عندها بتلقينه يسوي اللي يخطر في باله