انا مجربه هالشي من سنه تقريباً,, بس ماقدرت اكتب الموضوع لعده اسباب:
اولاً استحلف البنات مايستخدمونه فيما لايرضى الله وانا ماعمم عالكل لكن..
تشوفون مقاطع الكيك والبنات المفاصيخ .. واخاف هالشي يشجعهم اكثر لماتتوحد منطقتهم..
واي وحده تستخدمه للحرام جعل ربي يشلها وياخذ روحها وهي تستعرض للشباب ولا تصور نفسها بالكيك وغيره..
ثاني شي.. في بنات مايلتزمون بالطريقه تمام ويمكن ماتبان معهم نتيجه او يهملون الترطيب بكريم الحساسيه ويدعون علي ,,
بقولكم الطريقه كامله هنا .. وياريت ماترسلون عالخاص لاني ماعرف ارد عالرسايل من كثرتها ..
ان شالله اجاوب عن استفساراتكم كلها هنا .. ويااارب يخليكم ملكات جمال بعيون ازواجكم وللبنات بعيون انفسهم .. وتحسون بثقه مثل ما انا احس..
اول شي.. انا سويت ليزر للمنطقه الحساسه .. جهاز جنتل ليزر .. بالاحساء ,,
وبعد تقريبا جلستين ثلاث لما صار الشعر يتاخر بالظهور
بديت استخدم مقشر رتن اي جل .. انتبهو مو الكريم .. لا لأن الكريم مره قوي
والجل اخف من الكريم واسهل بالتوزيع ..
تحطين مرايه تحتك وتنظفين اول مره باسكنول وقطنه كل المنطقه ..
تمسكين الجل تاخذين نقطه توزعينها عالمنطقه من فوق وتحت ولما يخلص خذي نقطه ثانيه
لاتخافون مايضر .. المهم اللي الشفرات عندها غامقه تحط فيها من الجل وتنفخ عشان تبرد بيقرص خفيف ويروح .. بس لاتحطون عالفتحه حقت البول اكرمكم الله ..
وتحت وعالفتحه ورى وكله .. والفخذين اذا كانو غامقين..
ونامي.. لما يجي بكرا عادي مسحي اسكنول بالليل وحطي نفس الطريقه
ثالث يوم لما تحطين لاتمسحين باسكنول لان المنطقه رح تحرقك..
يعني بس اول يومين تمسحين باسكنول ..
ولما تلاحظين في مناطق بدت تتقشر وتطيح وغالباً بتكون الشفرات الداخليه لانها مكتومه بسرعه تتقشر
حطي عالمكان المتقشر وعالمنطقه كلها اللي تحرقك كريم حساسيه
اما بيبانثين او اي كريم حساسيه يناسبك
رابع يوم حطي عالمنطقه كلها ماعدا المنطقه اللي تقشرت .. والجل سهل توزيعه لاتخافون
بس اربع ايام ... وتوقفين وتحطين كريم حساسيه لين تطيب المنطقه وتبدا تطلع قشور
بس الفخوذ حطي لين تبدأ المنطقه تبي تتقشر احتمال الفخوذ تحتاج ايام اكثر
المهم
لما تطلع قشور خلي المنطقه تطيب بعدين اسحبي بشويش .. او ابرمي باصابعك ويلتف معك الجلد كله
حاولي تشيلينه كل يوم شوي واي حرقان او احمرار حطي كريم حساسيه
وبعدين لما تحسين انك محتاجه تقشير ثاني .. ريحي 3 اسابيع او شهر
وقشري من جديد .. وياليت تكونين مسويه ليزر احسن عشان ماتشيلين شعر كل شوي
والشيل من اسباب السماار
انا كانت منطقتي زينه بس صارلها خطوط ومطبات من الحمل.. وحرقتها بخلطه الافالون صارت ورديه منصلخه وماكنت ادري عن كريم الحساسيه وكملت لين انصلخت وسودت
بس راحت الخطوط ههههههه
بعدين سويت الرتن اي جل والحمدلله الحمدلله راحت كل الحروق والبقع
وسويتها يمكن 3 مرات
كل ماحسيت في منطقه يبغالها تشير حطيت عليها لحالها او عالمنطقه كامله
وانا متأكده بتدعون لي باذن الله
واللي منطقتها ماتقشرت معها يمكن تحتاج ايام اكثر بس مايزيد عن اسبوع
وممنوع الشيل والحف او الغسيل بصابون لين تطيب المنطقه
وهذي صوره الرتن اي جل
ادعولي ربي يخليني ملكه جمال بعيون زوجي ويغض بصره عن بنات الحرام والمقاطع
ويبعد عنه اصحاب السوء.. ويرزقني الوظيفه ;)
وسوري ثقلت عليكم .. وياليت اللي تجرب تكتب تجربتها