السلام عليكم ورحمة الله وبركاته
اخباركم بناااات ...؟
شوفوا تورتة الأرنب وسووها لأطفالكم
نبدأ في الطريقة :
ممكن تستخدمين الكيك الجاهز او تسوين اي كيكه تضبطينها
انا سويت ثنتين وحده عشان الوجه والثانيه عشان اذان الارنوب
نبدأ بتقطيع الكيكه على شكل الارنب الكيكه الكبيره خليتها للوجه والصغيره قصيها على شكل الاذان
والحين سوي دريم ويب انا استخدم 4 ظرف دريم ويب
على كاس إلا ربع حليب بارد اخفقيها بخلاط الكيك حتى تتكثف
حطي الدريم ويب في قمع التزيين وسوي وجه الأرنب
وأذانه على شكل وردات صغيره جنب بعض او ادهنيه
يعني زي ماتحبين
وكمان لاتنسين تلونين شوي من الدريم ويب باللون الوردي عشان
الآذان والخدود
والفم سويه باللون الوردي او الأحمر على رغبتك
ومعليش يابنات إذا كانت الكيكه مو مضبوطه لأني مسويتها
من اكثر من سنه اخذتها من الغاليه ام عزيزان ..
وهذا شرح من ام عزيزان لكيفية قص الكيكات ...
ان شاء الله إذا سويتها بالخطوات اصورها لكم
اتمنى تكون اعجبتكم ولاتحرموني من ردودكم
محبتكم/ ام لمور