السلام عليكن ياعالم حواء الرااااااااااااااائع وحشتووووني جدا اتمنى تكونو بالف خير دائما يارب
اولا المقادير:
كيك اسفنجي بطريقتك المعتمدة(انا اشتريت جاهزة)
**عجينة فوندان جاهزة من مستلزمات الحلواني حوالي كيلو للكيك
**الوان صناعية كمان من مستلزمات الحلواني حسب الرغبة
**كريم شانتي مخفوق وفواكه استخدمت فراولة(طعمها راائع مع الكريم شانتي)
**قليل من النشا لفرد عجينة السكر اذا احتجنا
**قطاعات بسكوت اشكال حسب الرغبة
قطعت الكيك نصين وحشيته بالكريم شانتي
بعدين الفراولة نراعي اننا نحط الحشو في نص الكيك ونبعده شوية عن الحروف عشان لما نحط طبقة الكيك التانية ميخرجش برة التورتة
**عجينة الفوندان بتكون ناشفة شوية تتلين بالايد زي متكوني بتعجنيها تشديها وترجعي تحطيها على بعض وهكذا عشان تلين وتكون سهلة في الفرد...طبعا عشان ناخد نتيجة ممتازة يكون المكان اللي بنشتغل فيه نضيف ومنلمسش الالوان الصناعية ونرجع نفرد الجزء الابيض عشان متختلطش الالوان وتطلع النتيجة مش مرغوبة.,.احنا عايزين البيضا تكون ناصعة البياض زي ماهي
نضع رشة نشا خفيييييييييييييف جدا على كيس بلاستيك استخدمت مفرش سفرة ويكون على الطبقة المش ملونة عشان متطبعش الالوان عليها...ونحط كيس تاني فوقها ونفرد بالنشابة في كل الاتجاهات لحد سمك 1 سم تقريبا او اقل
كده اتفردت كويس...هتلاحظو في تعريجات في العجينة بيكون فيه وش نااااعم تماما ووش فيه تعريجات انتو طبعا تخلو الوش الناعم هو اللي ظاهر في التورتة
غطينا بيها الكيك من غير مضيف عالكيك حاجة...انا محبتش اصيف كريمة او مربى عشان التورتة كده هتكون مسكرة اوووي محبتهاش تكون مسكرة زيادة وثبتت جدا على فكرة
العجينة بتكون مطاطة لو في جزء ظاهر شدي العجينة بسيط وغطيه كويس وبايدك اضغطي العجين على الكيك كويس زي الصورة...وتقطعي الزيادات
وهنا قفلنا التورتة تمام وزيناها...فيه جزء نسيت اصوره وهو تلوين العجينة بس هو سهل جدااااااا...بتخدي شوية من البودر بتاع اللون...وتخلطيه في العجينة كويس بتبلي صباعك بلل بسيييييييييييييييييييييط جدا وتلمسي بيه العجين ..هتلاحظو القلب اللي عليه حرف H فيه لمعة زيادة والعجينة اللي باللون الاحمر والبنفسجي تحسي ان فيها لمعة زيادة لان المياة زادت مني عشان كده بنبه ممكن متضيفيش مياة خالص لو اللون حلو بس اللون الاحمر ده مظهرش معايا غير لما بليت العجينة...ممكن يكون نوع البودر
طبعا القلوب بالقطاعة والدواير كمان وعملت من اللون الاحمر كنار للتورتة من تحت
وهنا ساعة الحفلة مع الغدا فراخ كنتاكي الروعة ورز وكول سلو وكفتة رز وبيبسي ...طريقة كنتاكي في مواضيعي جميييييييلة جربوها
واخيرا اتمنى تكون عجبتكم ...و الدعاء ده ليا وليكو ربنا يستجيب
اللهمـ إغفــر لنا الذنــوب التـي تحبـس الدعــاء
اللهمـ إغفــر لنا الذنــوب التـي تنــزل الـبــلاء
اللهمـ إغفــر لنا الذنــوب التـي تسبب الشقــاء
اللهمـ إغفــر لنا الذنــوب التـي توهـن الهــمم
اللهمـ إغفــر لنا الذنــوب التـي تغيــر النعــم
اللهمـ إغفــر لنا الذنــوب التـي تهتـــك العصـم
اللهمـ إغفــر لنا الذنــوب كلهــــا إنك أنت الغفــار
و أدخلـنا الجنـة و قنـا عـذاب النــار
اميييييييييييين يارب العالمين