السلام عليكم اخواتى فى الله
يا رب تكونوا كلكم بخير
و كل سنة و انتم طيبين و يا رب يبلغنا شهر رمضان و بتقبل منا
الصيام و صالح الاعمال اللهم امين
على فكرة موضوعى ده على الجهاز من فترة طويلة
و كل ما اجى انزله تحصل حاجة تعطله
بس سبحان الله اهو جه وقته و اتمنى انه ينول رضاكم
بسم الله نبتدى
موضوعى هو
تورتة الكنافة ** اكواب الكنافة المحشية ** قوالب الكنافة المحمرة
صورة للتعذييييييييييب ههههههههههه
اولا: تورتة الكنافة
المقادير
نص كيلو كنافة مفتته
كوب سكر ناعم(و ده سر الكنافة المتماسكة)
كوب سمن سائح
موز مهروس بقليل من القرفة للحشو او موز ترنشات زى ما تحبى
شربات للكنافة ( كوب سكر+كوب ماء+ معلقة صغيرة عصير ليمون)
كسترد لوجه الكنافة
كريمة و قطع فروالة للتزين
الطريقة
** نسيح السمن و صنية و نضع فيه الكنافة مع السكر البوردة و نقلب جيدا لحد الكنافة ما تشرب السمن و السكر
** هناخد نص الكنافة و نرصها فى الصنية و نضغط عليها بايدينا و نحط فوقيها الحشو و نحط باقى الكنافة
فوق الحشو و نضغط كويس بايدينا و ندخلها فرن ساخن
** و لما تحمر نطلعا من الفرن و نسقيها بالشربات البارد و نتركها تبرد
و هتلاقوها بالتفصيل هنا
كنافتى بالموز .. متفريقهاش عن الجاهزة ..كنافة موووز موووز موووووز
**و بعدين نجهز الكاسترد زى ما هومكتوب على العلبة و نصبه فوق الكنافة
بطريقة عشوائية
** و لما يبرد نزينه بالكريمة و قطع الفراولة بالشكل ده
******************************
ثانيا : اكواب الكنافة المحشية
المقادير
كنافة طازجة
سمن سائح لدهن اكواب الكنافة
شربات
كاسترد للحشو
كريمة و قطع فروالة للتزين
اكواب صغيرة للف الكنافة حولها ( انا استخدمت معيار زجاجات المضاد الحيوى +علب التونة الصغيرة)
الطريقة
** هنلف الكنافة اسفل الكوب و حوله جيدا و نضع قليل من الماء او بياض البيض فى نهاية طرف الكنافة عشان تلزق كويس و مش تفك و هى فى الفرن
** هنلف حول اكواب الكنافة ورق و نحوط كوب الكنافة كويس بيه عشان الكنافة تمسك فى بعضهاو فى الكوب كويس و نسيبها فى التلاجة من ساعتين الى 4 ساعات
وده لما فكتها من الورق بعد ما طلعتها من التلاجة
** هنبتدى نطلع الكنافة من الاكواب براحة و بحظر و بعدين هندهنها سمنة و ندخلها فرن ساخن
** و لما تحمر قليلا نطلعها و نسقيها شربات و لما تبرد نرص فى قلب كوب الكنافة شرائح فروالة
**و بعدين نصب الكاسترد فى اكواب الكنافة و لما يبرد الكاسترد نزينه بالكريمة
و قطع الفراولة بالشكل ده
*****************
ثالتا: قوالب الكنافة المحمرة
المقادير
ربع كيلو من الكنافة المفتتة
جوز هند و زربيب
2 معلقة سمن
شربات للكنافة
قوالب او اكواب صغيرة او قالب مكعبات التلج عشان نحط فيها الكنافة
الطريقة
**هنسيح السمن و بعدين هنحمر فيه الكنافة لحد ما يكون لونها دهبى فى بنى فاتح
(اواللون اللى انتى تفضليه )
**هنحط جوز الهند و الزبيب و الشربات و نقلب كويس
**و بعدين هنحطهم فى القوالب حوالى ساعة او ساعتين لحد ما يتماسكو و بعد كدا هنزينها بقطع الفراولة و الكريمة بالشكل ده
و التفاصيل هتلاقوها هنا
مكعبات الكنافة **سهلة **لذيذة ** و شيك
و دى صورة قديمة للينك اللى فات لانها مش باينه فى الموضوع
و دى صورة لانواع الكنافة مع بعض
و دول انا عملتهم من كام يوم فحبيت اضيفهم هنا
اتمنى انها تعجبكم
و كل سنة وانتم بخير
و رمضان كريم
فى رعاية الله
رائعه