تورتة صغنونة وبسيطة من مطبخى

1263857921

ازيكم يا احلى بنات
يارب تكونوا بخير وفى احسن حال
النهاردة جيبالكم تورتة صغنونة وسهلة من مطبخى اتمنى تعجبكم
1264497370

الاول شوفوا شكلها
Swr0647
13002102781550

2كوب دقيق+م ص مليانة بيكنج بودر
كوب الا ربع سكر
4بيضة+فانيليا
3م ك زيت
نصف كوب ماء دافى
م ك ممسوحة محسن كيك(جل)

للحشو والتغطية
5 م ك مليانة ايس كريم شيكولاتة بودر
2م ك مليانة كريم شانتية
اقل من نصف كوب حليب او ماء +2م ك حليب بودرة
صوص شيكولاتة
كريز
13002103111969


هنضيف كل المقادير على بعضها
اللى هى السكر والبيض والماية وتكون دافية والفانيليا ومحسن الكيك والزيت كله فى المضرب لمدة 5دقايق
لحد ما تتقل وتملى الطبق
Swr0628

نهدى السرعة ونضيف الدقيق والبودر ونضرب كمان 5دقايق
ندهن صينية مقاس 24 بالزيت ونبطنها بورق الزبدة
Swr0631
وندخلها فرن سخن
وده شكلها بعد ما طلعت ماشاء الله عالية وهشة
Swr0639

بنسيبها تبرد وتهدا خالص ونقطعها ونزوقها
انا سقيتها بمربى فراولة مخففة بالماء
وجهزت الحشو بضرب المكونات كلها بالمضرب حتى تتماسك ونحشى بين الطبقات ونغلفها كلها بالكريمة
وندخلها التلاجة تتماسك وبعدين نصب عليها صوص الشيكولاتة
الصوص اللى عملته عبارة عن 2م حليب وم زيت سخنتهم وقطعة شيكولاتة خام تسيح فيهم
وزينتها بالكريمة والكريز

ده شكل كريمة الحشو والتغطية
Swr0640




Swr0646