تورتة فيونكات الشوكولاته من مطبخ الشيف مونى بالصور

وهنبدأ نحضر الحشو
هنحط كل مكونات الكريم شانتى مع بعض فى اناء

ونخفقهم بالمضرب لغاية مانوصل للقوام المطلوب

ونبدأ نحشى بيه الكيكة

ونغلفها من برة بالكريم شانتى

وهنعمل فيونكات الشوكولاته للتزيين
هنجيب اى دوسيه بلاستيك بس البلاستيك بتاعه يكون قوى وهنقصه بأحجام متساوية اللى احنا هنحددها ونسيح الشوكولاته على حمام مائى ونحطها على البلاستيك اللى قصيناه ونطبقهم على بعض بالشكل ده

ونحطها فى التلاجة تجمد ولما نطلعها نستنى 5 دقايق ونشيل البلاستيك برفق عشان متتكسرش هتدينا شكل الفيونكة وبالنسبة للشوكولاته اللى فى الجنب بعد مانعمل شكل الفيونكات هنفرد بقية الشوكولاته السايحة على ورق خبز ونسيبها تجمد فى التلاجة ونطلعها نكسرها بإيدينا هتدينا شكل القطع الكبيرة وطبعا شكلها احلى بكتير من الشوكولاته المبشورة
وبالنسبة لإننا استخدمنا دوسيه بلاستيك عشان نعمل شكل الفيونكة ده عشان مفيش حاجة توقفنا لكن طبعا فى بلاستيك مخصص بيتباع فى محلات خامات الحلويات عشان نعمل بيه الاشكال اللى بالشوكولاته
وانا استخدمت الشوكولاته دى بتدى نتيجة هايلة وممكن اى نوع تانى طبعا تحبوه

بالنسبة للدقيق الاسبونش عشان فيه ناس كتير بتسألنى عنه انا بشترى السايب من محل خامات الحلويات ولو مش متوفر فى المحافظة اللى انتوا فيها ممكن تشتروا دقيق سبونش الطحان او بيتى كروكر وفيه نوع تونسى كويس اسمه فنواز كل الانواع دى متوفرة فى السوبر ماركت (طبعا انا بتكلم على داخل مصر لكن خارج مصر مش عارفة الأنواع بصراحة)
وده شكل التورتة النهائى بعد التزيين




وده شكل الحشو من جوة

يارب موضوعى البسيط ده يكون عجبكم

يسلموا رائع شغلك
لو سمحت من اي محل اشتريت صينية تقسيم الكيك انا بالسعودية
شو ماركتا حتى جيب متلها

يعطيك الصحه والعافيه