تورتة موكا شوكولا - الخطوات بالصور

http://www.filesonic.com/file/4292302505
صورة نهائية بتفتح نفسكوا على الخطوات موجودة بالمرفقات


مكونات الكيكة:
5 بيض - 1كوب زبدة - 1ونص كوب سكر (وانا بطحنوا) - 2 كوب دقيق
1كوب لبن - فانيليا - 1 بيكنج باودر - معلقة خل - نص كوب كاكاو خام..

الطريقة:
نضرب السكر والزبدة كويس وبعدين الفانيليا والخل والبيض ونضرب
ننخل الدقيق والكاكاو كويس والبكنج باودر
نضيف الدقيق بالتدريج مع اللبن على الخليط
نصبوا في صينية مقاس26 مدهونة ومرشوشة بالدقيق
وعلى الفرن الحامي عدل حتاخد حوالي ساعة ونختبرها ونخرجها ونسيبها تبرد

مكونات التزيين:
2 كوب زبدة طرية - فنجان نسكويك - كريم شانتية - 2 كوب سكر مطحون 3 شيكولاتة كادبوري - 180 ميلي لبن - لبن ساقع للكريم شانتيه.
حنجهز صوص نسكويك وهوعبارة عن فنجان او 2 زي ما بتحبي مدوب في فنجان مية على النار ونسيبوا يبرد.

نضرب الزبدة كويس لحد ما تنعم ونضيف السكر المطحون.
نضيف صوص النسكويك عليه
ونضرب كويس ونشيلها على جمب
نجهز صوص الكادبوري نسخن اللبن لحد ما يغلي ونشيلو من النار ونحط علي الشيكولاتة ونسيبها تبرد
نجهز الكريم شانتي زي دا
النسكويك بلزبدة للحشو وال كادوبرى صوص لللوش سايل
والكريمة شانتى للتغطية وبيبقا عليها نص علبة قشطة ومعلقة ونص كاكاو خام ومعلقة ونص صغيرة نسكافية والنسكافية تدريجا عشان ميمررش ودوقى حسيتى انوا محتاج نسكافية تانى عشان تحسى طعم الموكا زود ى بس خلى بالك ميمررش
نبدا دلوقتي تجميع التورتة
نقسم الكيكة تلات اقسام
ناخد اول قسم ونسقي بالشربات
ونحشيها كريمة
ونكمل لحد ما نخلص
بعدين نغطيها بالكريم شانتيه.
ونبتدي نزين بكيس الحلواني عل الجناب..
ونكمل رسم ونصب صوص الكادبوري عالوش.

الصور بالتفصييييييييييل
http://www.filesonic.com/file/4292514535


دلوقي للسؤال الاكتر شيوعا
ازاي برسم عل الصوص
طبعا هي سهلة جدا بس شوفوا وتعلموا
اول حاجو نرسم دواير على وش الصوص بالكريم شانتيه زي كده.
خلة او سيخ خشب زي دا..
ونرسم من الدايرة اللي جوة اربع خطوط لبره زي كده..
وكمان اربع خطوط زيهم في وسطيهم علشان تطلع المسافات مزبوطة
واخيرا نعمل خطوط بالعكس من بره لجوة وحتطلع بالشكل دا..

صور التزيين بالرابط
http://www.filesonic.com/file/4292541885

ودلوقتي ندخل على الصورررررررر.
http://www.filesonic.com/file/4292550815



ودلوقتي رسم اشكال الشيكولاته..
عاوزين شيكولاته خام مع معلقة صغيرة زيت هنسيحهم ونحطهم في كيس زي كده.. —
ونرسم الاشكال اللي عاوزينها على كيس بلاستيك.
http://www.filesonic.com/file/4292559955