التورتة دى بصراحة ملقتلهاش اسم فسمتها تورتة نجوم الشوكولاته على اساس ان فيها نجوم
مكونات الكيك الإسفنجى:
نصف كيلو دقيق سبونش (مضاف ليه كل شىء ماعدا البيض والمياه)
5 بيضات كبار
نصف كوب مياه
مكونات الحشو:
ربع كيلو كريم شانتى خام
ربع كوب حليب بودرة
5 معالق كبار سكر بودرة
ماء مثلج
مكونات صوص الشوكولاته:
كوب ونصف كاكاو نسكويك
كوب الا ربع سكر
كوب ماء
2 ملعقة كبيرة زبدة
2 ملعقة كبيرة عسل جلوكوز(ممكن استبداله بعسل نحل او سيرب تقيل)
وللتزيين هنحتاج:
ورقة ترانسفير
نصف كيلو شوكولاته
لولى الوان
اول حاجة هنحط دقيق الاسبونش فى بولا ويفضل يكون بحرارة الغرفة
ونضيفله البيض والماء
ونضربهم على اقصى سرعة بالمضرب الكهربائى لمدة لاتقل عن 7 دقايق متواصل وهنلاقى قوامه تكاثف وبقى كريمى
ونحط خليط الكيك فى صينية مقاس 24 وممكن 26
ونخبزها فى الفرن انا بساويها فى فرن هادى وطبعا كل واحد فرنه بيختلف عن التانى وطبعا هنختبرها قبل مانطلعها
ونقلبها على ورق خبز
ونسيبها فى التلاجة لمدة يوم كامل وتانى يوم نجهز ادوات التقطيع والحشو بتاعتنا
ونقسم الكيكة لتلاته
وفى الوقت ده هنكون جهزنا الكريم شانتى بس مش هنحشى بيه الكيكة هنجهز صوص الشوكولاته
هنحط السكر والميه على النار
ونضيف اخر حاجة عسل الجلوكوز
ونقلبهم كويس ونسيبهم على النار واول مايغلى نرفعه من على النار
ونسيبه يبرد او نحطه فى التلاجة لغاية مايبرد ونضيف جزء منه على الكريم شانتى اللى عملناه
ونضربهم بالمضرب عشان يمتزجوا
ونبدأ نحشى بيه الكيكة ونغلفها
ونحطها فى التلاجة لمدة لاتقل عن ساعة ولما تخرج نبدأ نغلفها بصوص الشوكولاته اللى عملناه بس لازم يكون بارد والكيكة باردة
وهنجيب ورق مخصوص للحلويات ومطبوع عليه رسومات مختلفة اسمه شيت ترانسفير وهنقسمه بالنص عشان الشغل بيه يبقى سهل علينا
وهنجيب شوكولاته نوعها كويس
النوع ده كويس او اى نوع تانى