تورته سهله وما تاخذ وقت وشكلها حلو للعزايم
المقادير:
نصف علبه كريمه من الحمراء لان فيها سكر
نصف كوب جيلاتين مذوب في ماء حار
بسكويت اصابع مخصوص للتيراميسو
كوبين نسكافيه مع 4 ملاعق سكر
جبن ماسكابون او كوتاج او ريكوتا او فلادلفيا علبه تقريبا 300 جرام
تخفقين الكريما لين تجمد وتضيفين الجبن والجيلاتين
تغمسين البسكويت في النسكافيه وتصفيه في الصينيه بهاي الشكل
تضيفين نصف كميه الكريما والجبن
وبعدين طبقه بسكويت
واخر طبقه تكون كريما
وتزينيها بالشكولاته البودره او الكاكاو
وحطيها في الثلاجه لين تجمد تقريبا ساعه ونصف
وقدميها مع العصير او الشاي
بس لا تكثرون عشان المتن