صباحكم × مسائكم ...... بالطاعه والمسرات :27:
اشتقت لكم ياعالمنا عالم حواء :39:
من زمااااااااااااااان مادخلت ويوم دخلت اشوفكم مكرميني :icon33:
قلت اجل منيب جايه ويدي فاضيه ويوم شفت اعلان المسابقه عن عشاق الشوكولاته
قلت خليني اطق عصفورين بحجر واحد :)
تـــورته الشوكولاته بالجاناش
مقادير الكيك
بيضتين
ثلث كاس زيت
ثلاث ارباع الكاس سكر
ربع كاس حليب سايل
كاس دقيق
ملعقه صغيره مليانه بيكنج بودر
2 م ك كاكاو
الطريقه
اخلطي البيض خمس دقايق ثم حطي الزيت والسكر وبعدها بشوي الدقيق والبيكنج بودر بالتناوب مع الحليب
ثم الكاكاو البودره واخلطيها شوي ثم صبيها بصينيتين صغار داهنتها بالزيت وحاطه ورق زبده
في الفرن ربع ثلث ساعه
ثم خليها تبرد شوي
في هالفتره سوي الجاناش اللي هو
نص علبه كريمه خفق صغيره
و نص كيس شوكولاته كامله ماخذتها من ملتقى الخبازين هذي صورتها
زي الهرشي شكلها واطعم من الهرشي وارخص
اغلي الكريمه ثم ابعديها عن النار وحطي الشوكولاته وحركيها وخليها تبرد وتثقل قوامها او تبين اسرع في الثلاجه دخليها
المقدار يكفي صينيتين صغار زي اللي في الصوره
لقيته افضل من تسقيتنها عصير علشان ماتترطب بزياده وتكون رطوبتها معقوله جربوها
المهم ادهني الكيك من فوق ثم شوي جاناش ثم ادهني اسفل الكيكه الثانيه بشيره برضو ثم حطي الكيكه الثانيه
وادهنيها شيره
يعني راح تدهنينها 3 مرات :27:
ثم صبي الجاناش فوق الكيكه وواسيها
خليها تبرد شوي ثم جيبي الشوكولاته وادهني الورق البلاستيك الملون ولفيها على الكيك
(( قصيها على طول الكيكه ))
الورق الملون من ملتقى الخبازين
ملاحظه دهنت الورق البلاستيك بشكولاته مهوب بالجاناش
اذا بردت فكي البلاستيك
ثم زبرقيها على كيفك
هذي طريقه الشوكولاته الاصابع بالمشط الخاص بالكيك من ملتقى الخبازين ب ريالين
هذا شكله
حطي شوي شوكولاته على ورق زبده ثم بالمشط وخليها تبرد بالفريز وانثريها على الكيك او الموس اللي عندك
يعطيك شكل كأنها جاهزه
وهذي صورتها النهائيه
وبالعافيه عليكم :27:
ودعواتكم لي بالتوفيق