هذا ياحلوين امس كنت افكر وش اسوي عشا ومن كثر التفكير مت من الجوع وقمت ركض على المطبخ وفريت وفريت لما داخ راسي وطلعت وماسويت عشا خخخخخخخخ
مصدقين انتوا ادخل المطبخ واخذلي كم لفه واطلع صفراليدين
طلعت بصينية تورتيلااااااااااااااااااااااااا امممممممممممممم
شيي
رحت عالفريزر وطلعت ناجت دجاج (حق عيالي خخخخخ) وقليته
وبعدين قطعته بالطول
ورحت عالدرج وطلعت بصل وقطعته جوانح وحطيته بالمقلايه مع شوي زيت (شوي مو كثير اللي بتكثر ياويلها)
ورحت عالثلاجه وطلعت جزرة كبيرةوبشرتها وحطيتها عالبصل وحركتهم مع بعض وبعدين حطيت الناجت عليهم وحطيت شوي فلفل اسود وشوي كمون وملح وحركتهم لما داخوا هههه
رجعت مرة ثانيه عالفريزر وطلعت التورتيلااااااا
وفتحت الثلاجه وجبت جبن شرايح (مربعات)
وبعدين يالحبيبات سدحت التورتيلا وحطيت فوقها الجبن
ثم بعد ذلك احضرت الحشوة ووضعتها فوق الجبنه المنسدحه(جمله متعوب عليها)
وبعدين لفيت التورتيلا على شكل اسطوانه(متأثرة من تدريس عيالي رياضيات خخخ)
وكملت لف وحطيتهن بصينيه
وبعدين جبت الحبايب وخلطتهم مع بعض وهم(2ملعقه جبن سايل,2ملعقه مايونيز,نص علبه قشطه وشوي لبن يمكن نص بياله )
وبعد ماخلطتهم حطيتهم فوق التورتيلا المسدحات بالصينيه غطيتهن عدل (سترت عليهن خخخ)
وبعد ماسترت عليهن وغطيتهن قمت ودخلتهن بالفرن وحرقتهن لانهم مايسمعون الكلام ههههه وشوي وطلعتهن
وبعدين قطعتهن واكلتهن ويم يمي يمي عالجبن اللي يسيح من يمين ويسااار وااااااو
واااااو عالسيل الجبني هههههه
وهذا اخر شي بقى بس لايفوتكم الهواش كل واحد يبي هالقطعه الباقيه وبالاخير اكلتها اناااا هاهاهاهاه(ضحكه شيطانيه)
وبكذا تكون رحلتي الهجوميه عالمطبخ انتهت بسلااااااام والحمدلله
واتمنى تكون عجبتكم
ومع السلامه بالطبق القادم اقصد بالهجوم القادم
