كل عام وانتوا بخير عزيزاتي حوائيات
ينعاد على الجميع بالخير والعافيه يارب
أول شي باركوا لي وأخيراً بعد حول شهرين تفعل أشتراكي بالمنتدى بعد مافقدت الأمل إنهم يفعلوا لي الأشتراك
متابعه لعالم حواء من 2001 يعني لي سبع سنوات وماشاءالله استفدت كثير من كل الأقسام صراحه
<< من حر مافيه شهرين على تفعيل اشتراك تقول لكم قصة حياتها خخخخخ
وطبعاً راح أحكي لكم كمان قصتي مع بشرتي على مدى هـ السبع سنوات
كنت<<فعل ماضي ولى وراح
كنت مااشكوا من اي شي غير اشوية شحم بفخوذي واجنابي وكريشه يوم تكبر ويوم تصغر وكنت مسيطره ع الوضع
تمام لين في يوم من ايام الله وانا مع ربيعاتي جالسين نسولف عن البشره والعنايه وهلموا جره من هالسوالف و
سألتني وحده ايش تستخدمي لعنايتك قلت عنايه ايش بالضبط قالت كل شي علمينا اسرارك:icon810:
قلت لهم ابد ماعندي غير الشاور بالضمير<<(مرتين او ثلاث مرات باليوم ومره منهم خاصه للدعك)+كريم دوف
لترطيب جسمي ومره بالأسبوع سكر وزيت زيتون تقشير لجسمي +ديودرنت من دوف إللي مثل الصابونه + رجليني
(الأقدام)كريم ترطيب من فازلين ويديني كمان من فازلين خاص للأيدي وهذي كل عنايتي
وأمي الله يحفظها كل يوم تأكلني سلطه فواكه ويوم سلطه خضراا وكثير مويه
والله يابنات بعدها بفتره بسيطه أنقلب حالي فوق تحت لدرجه اني خفت قلت شكله احد نط عليّ وانا نايمه وكب شي
على جسمي:08:
اولها بديت مااحب السلطات ومن اشوف زبديه السلطه اقول لامي تكفين وخريهم ماابي
وبعدها كنت انظف جسمي بالشيره كالمعتاد (كامل جسمي) وشهرياً
لما خلصت رجليني ويديني حسيت بركبي متغير لونهم قلت يمكن من احمرار الشيل ودهنتهم ليمون كالعاده وجيت
على منطقتي اشيلها ولما خلصت قلت في نفسي ياالله احس انه لوني متغير بس كملت عايدي واخذ شاور
ورحت قلت لأمي السالفه قالت بطلي هواجس يمكن من سوالفك وربيعاتك ومشاكل بشراتهم قمتي تهوجسي
وبعد كم يوم جات تزورنا قريبتي وجايبه معها مناكير الوااان خقااااااااق وكل اشوي نجرب لون ولما خلصنا الا تقول لي
بشوف يدينك ومديتهم لها بكل ثقه الا تقول لي هذي كيكه بالزبده مو يدين:o وع طول امي نقزت قالت لها اذكري الله
وطلعت ويومها ماعرفت انام صار معي قلق غير طبيعي وبعدها جسمي صار يوم عن يوم يسوء احواله لين وربي صرت
وكأني وحده ماتعرف معنى التحمم والنظافه ونفسيتي تعبانه وصرت من خلطه لخلطه ومن كريم للثاني
ومن هنا ببدأ أقول لكم اللي استفدته من عالم حواء :
أول خلطه جربتها خلطه الأخت شالسالفه وداومت عيها شهر كامل ومااستفدت منها شي ابد غير إنه زاد الشعر
بجسمي وخصوصا اركابي مع العلم اني عطيت اختي من الخلطه وكثير مدحت فيها وشكرتني لكن انا
ماناسبتني أبد ..
وأنتقلت لكريم افالون واستخدمه حول اسبوعين وبعدها قالت لي امي انا اشوفك تغمقين مو تفتحين وتركته
وأنتقلت للطبيعي من زيت زيتون وليمون وشبه وحمام مغربي وملح الحليب وصابون الغار وصابون البابايا وهلموا جره
والنتيجه من سيء لـ اسوء لين شابت عيوني وتركت كل شي يمكن سنه صرت مااستخدم شي غير اللي كنت
استخدمه قبل المأساه لكن الحال أستفحل << متعوب عليها هالكلمه ركزوااا خخخخ
وأنخطبت قبل اريعه شهور وقلت الى هنا واستوب يابنت لزوم ترجعي كيكه بالزبده مثل قبل وتلحسي عقل الرجال
قبل مايدخل عليك وينحاش:D
وفعلاً بدأت الهجوم قبل اربعه شهور واول شي سويت لي ليزر ليديني وأبطي ورجليني وأرتحت من بلاوي الشيره
والألم وبعد اسبوع من الليزر بديت الهجوم المباغت خخخخ على جسمي من عنايه مكثفه
هنا قريت كثير عن زيت جنين القمح ودخل مزاجي كثير واخذته وكمان قريت عن خلطه رتن اي+الدوكين واخذتهم
وأضفت لهم كريم دوف عشان لا يسلخوني خصوصا وبشرتي حساسه
وقريت عن الفازلين لتقشير الشفايف ومشيت على هالعاده ثم قريت عن كريم 21+موية اكسجين وسويتهم
وكمان خلطه بودره جونسون+موية الورد+ملح او سكر ولكني غيرت اشويه في هالخلطه وعملت بودره جونسون+موية
معدنية+اشويه ملح+اشويه نشا+اشويه كريم دوف
وكمان الأسكنول+نشا
ومن كل هالخلطات والوصفات مشيت على نظام وفكره:
في حاجه مهمه ياحوائيات يمكن غايبه عن البعض واهي ان الجسم لما يتعود على شي يدمن عليه ولما تتركيه
يجيك رد فعل عكسي وهذا لاحظته في كثيييييييييييير من المواضيع انهم يستخدمون شي ولما يتركوه يرجعون مثل
قبل ويمكن ازود كمان
وعشان كذا حطيت هالفكره براسي وعملت هالخلطات مره وحده وصرت اقسم الأستخدام فيهم كل يوم خلطه ويومين
من غير شي والحمدلله احوالي تغيرت كثييييييييييييييييييييييييييييييير كثييييييييييييييييييييير
وراح احدد لكم تفصيلاً:
1- هالة صدري كانت مورده ع لون بني اشووووي مدري يقولون اللون اسمه كذابي:hahaha: بس كانت بصراحه حلوه
وتغيرت بعد المأساه وصارت وربي وربي بني غامق وأستخدمت لها ولمدة متواصله شهر زيت جنين القمح
كل يوم ادهنهم مره مرتين واحيان اكثر ومن اسبوع بديت اللاحظ الفرق بس طنشت وواصلت قلت اما انا او اهي:D
والحمدلله التغير بنسبه50% خلال شهر واشويه ولكن مازلت مواصله عليه لإني لاحظت شي حلوو مررره في هالزيت
انه مو بس يورد الا كمان يطري المنطقه ويخليها رويانه وملمعه وشي بقوله لكم وانا مغمضه:35: يبرز الحلمه.
وقبل اسبوع قريت وحده تقول مرطب الشفايف لابيلو تحطه ع الهاله عشان التوريد وصرت كل ليله احط منه وبعدها
بفتره ادهن الزيت والحمدلله رضاافيني اقول صرت قريبه كثير من خالتي قبل التغير بنسبة 90%
وبإذن الله مايجي العيد الا وهالتي مثل اول واحسن.
2- ابطي وركبي واكواعي ومنطقتي الحساسه استخدمت اول شي الرتن اي+الدوكين+مرطب دوف ولكن خلال ثلاثه
ايام حسيت انه ابد ماناسبني وتركته من غير رجعه واستخدمت كريم21+موية اكسجين والحمدلله ناسبتني وصرت يوم
احط منه ويوم زيت جنين القمح وكثييييييييييير صار تقدم ملموس
وبعد استخدام شهر صرت استخدم زيت جنين القمح لمنطقتي الحساسه وأبطي اما ركبي واكواعي يوم الزيت ويوم
كريم21+موية الاكسجين ويوم خلطه البودره.
3- يديني وأقدام رجليني صرت دايم وبكل وقت وكل حين افطسهم كريم دوف وكريم
فازلين تبع اليدين والرجلين واحيان الفهم بكيس وشراب ساعه وافكهم والحين الحمدلله رجعت كيكتي
بالزبده وصارت مثل قبل وازين الحمدلله ماشاءالله
4- شفايفي مواصله على تقشيرهم بالفازلين والترطيب بـ لابيلو
5- وجهي الأسكنول أما لوحده او مخلوط مع نشاا
وحمامي يوم يكون فيه تقشير بملح الحليب ويوم راحه ويوم ملح البابايا ويوم راحه ويوم مقشر المشمش ويوم راحه
ورجعت لشرب المويه بكثررررررررررررره وللسلطات وقد مااقدر مخففه بيبسي وتشوكلت
والحمدلله الحمدلله والشكر له احوالي تسر وتشرح الخاطر والله يتمم عليّ فرحتي وتتسهل أمور زواجي على خير
ويبعد عنا كل شر
هذي قصتي لكم كامله مكمله ياحوائيات واستخلص لكم منها اشياء مهمه مررتها لكم خلال القصة << داخله جوو:hahaha:
1- المواصله على العنايه وبكذا شيء مو شيء واحد يدمن عليه الجسم ثماً تبلشين لما تتركيه.
2-اهتمي بجوا جسمك مثل براا يعني شرب مويه وعصيرات فرش واكل سلطات مو ضروري كل يوم لكن قد ماتقدروا
تكثروا منهم.
3- جربي الخلطات اللي ودك تستخدميها كل وحده يومين ثلاثه اهي لوحدها لتشوفي تناسبك او لا وبعدها امشي
بالجدول.
4-إللي ذكرته لكم مو عشان التطبيق الألزامي بحذافيره ولكن تجربتي ويمكن مايضبط من البعض الاشياء اللي مشيت
عليها ويضبط من البعض عشان كذا ضروري الأختبار لكل خلطه قبل التطبيق.
5-الجسم يحتاج انه يتنفس عشان يطرد السموم من الغدد فـ مو كل ليله تفطسينه كريمات وخلطات اتركيه يوم
او يومين يرتاح ولكن ظلي مواصله ع الجدول.
6-الشكر لكم خواتي حوائيات لإني استفدت كثير منكم الله يعطيك كلكم العافيه والخير وينولكم ماتتمنون بالخير
7- اذكروني بدعائكم بهالشهر الفضيل ان الله يسهل امر زواجي لإني بأمس الحاجه لدعائكم خواتي
ولاتنسوا انفسكم من المعوذات لما تطلعوا من بيوتكم او يجيكم احد سبحان الله ربما مو قصد الكره ربما الغبطه
لما احد ينظركم من غير مايذكر اسم الله يجيكم شي سبحان الله فخذوها عاده المعوذات والصدقه حافظوا عليهم
سلام يااقدع حوائيات
سموره وبس @smorh_obs
عضوة
يلزم عليك تسجيل الدخول أولًا لكتابة تعليق.
موضوع ثريييييييي جزاك الله خيرموضوع ثريييييييي جزاك الله خير
تسلمين اختي ثري بتواجدك الحلو
جزاك الله الفردوس
جزاك الله الفردوس
الصفحة الأخيرة
جزاك الله خير