كيفكم بنات احلى عالم ؟؟
كل عام وانتم بالف خير وصحه وسلامه والله يعيد هالشهر علينا يارب سنين عديده
..
سلمكم الله هذي توزيعاتي لجاراتي ربي يحفظهم
في الحقيقه وللاسف اني مااعرفهم شخصيا ومالي علاقه باحد فيهم
بس التواصل واجب علينا وعالاقل لو بهالشهر الكريم اذكرهم بشي ولو انه بسيط
...
هم ماشاء الله 10 بيوت وبما ان 2 مسافرين
بقى 8
..
اشتريت اغراض للتغليف
بقش من مهجه
والباقي من الافكار الذهبيه
اكياس نايلون بربطه
شريطه
اكياس
..
والهديه عباره عن
خاتم التسبيح
---- عندي تعليق بسيط ( فيه كثير يفتكر ان الغرب عزونا بهالفكره عشان نسبح فيه ومانسبح على اصابعنا عشان ماتشهد علينا يوم القيامه
وطبعا هالتفكير غلط ميه بالميه والسبب
ان كل مافي الانسان يشهد عليه
فلسانك بيشهد عليك
واصابعك اللي تضغط الجهاز راح تشهد عليك .. و و و و و
ربي يرحمنا برحمته
فايده الجهاز اننا نحسب كم مره بدون مانضيع )
..
سجاده الجيب
طبعا هي معروفه كثير ومنتشره من زمان بس سبحان الله فوايدها كبيره
ومستحيل اطلعها من شنطتي اطلاقا واستخدمها بكل مكان
ومعاها عطر صغير من زهور الريف
..
وجبت معمول كثير احبه وجبت قصدير ولفيت كل 3 حبات بقطعه قصدير وحطيته مع الاغراض
..
واخيرا كليجااا كبار وصغار
حطيت الكليجا باكياس النايلون
وربطت عليهم بالشريطه بهالشكل
..
حطيت باقي الاغراض بالبقشه القماش
..
واخيرا الكل داخل الكيس
واكيد حطيت لهم تهنئه بالشهر الفضيل باسمي
وعسى ان شاء الله تعجبهم
وكل عام وانتم بخير
لكم ودي ،،