يسعد اوقاتكم بكل خير ..
حبيباتي ممكن خدمة بسيطة ولاعليكم امر ..
ابي مساعدتكم في افكار للتوزيعات لبنوتتنا الجديده الله يحفظها لنا ياااارب ..
هي اول فرحة لأخوي الغالي فعشان كذا ابي شيء حلو ..
امممم والله انها مررره تحير هالتوزيعات
المشكله الاشكال التقليدية احس خلاص ماعاد احد يبيها واحسها بس خساره عالفاضي
محد يستفيد منها ولا يحتفظ بها وانا اولهم
اختي اعجبها استاند الرضاعات ..
بس والله فشششله اني اعطي حرمه وش كبرها رضاعه والا مصاصه ..
لا والادهى اعطيها جزمه :eek:
وبعدين المجسمات ذي خلاص محد يبيها ولا يستفيد منها ..
ولاتقولون لي تولة عطر وبخور لأن هالحركة مستههههههههههلكة كثيييييييييييير خلاص طفشوا منها ..
ابي فكره حلوه وغريبة وفي نفس الوقت مفيده ولا تستهلك اشياء كثير
بصراحه انا فكرت في كب كيك النونو للغالية دانة البحرين
بس المشكلة اني ولاعمري اشتغلت على الفوندان(عجينة السكر) واخاف ما تضبط معي او اغلط في شيء
والوقت خلاص مايساعد اني اجرب
مع انها الله بوفقها ويسعدها موضحه كل الخطوات بطريقة جدا جدا جدا سهلة وتحمس
بس صعبة اغامر واجرب وانا باقدمها للضيوف
انا قلت نجيب كب كيك عادي يعني مع زينة خفيفة
مثل كذا
او كذا
او كذا
او اي شكل بسيط ..
المهم بعدين نسوي اعلام صغيره نحط عليها الاهداء
زي كذا
بس انا فكرت نحطه مثلا بشكل فستان او اي شكل رايق وحلو ..
طبعا سهههههله جدا مجرد تصميم للشكل بعدبن نطبعه على ورق مقوى بعدين نلصقه من الطرف على عود اسنان ثم نغرسه بالكب كيك ..
<< هذي فكرتي ..
اختي تقول ..
نجيب ستاند كبييير شوكولاته من النقلي او باتشي ... الخ
ونحط في طرفه او في الوسط على حسب يعني
نحط رضاعة كبيره او دبدوب او عروسة اي شيء حلو ونحط معه بطاقة كبيره للاهداء ..
<< فديت قلبها دايما تحب كل شيء سريع سريع ولاتحب تلف وتدور خخخخ
قلت لو بنسوي فكرتها ممكن نلف على حبات الحلاوى ورقه صغيره فيها الاهداء
اممم شفتها مره بالنت ودورتها ما لقيتها ..
بس هي تقريبا قريبة من كذا
او ممكن بأي شكل حلو ..
المهم الي ابيه منكم ..
وش رايكم في الافكار ؟؟
انا اعجبتني الكب كيك بس اهلي ما اعجبهم ..
والي تعرف فكره جديده وغريبة او شافتها عند احد ياليت تساعدني..
او اي محل الاقي عنده اشياء حلوه واسعارها معقوله ..
على فكره انا في (ابها)
ولكم واااافر واصدق الدعوات في ظهر الغيب ..
وياليت كمان تعطوني عبارات للاهداء ..
:26: لكم