بسم الله الرحمن الرحيم ..
السلام عليكم ورحمة الله وبركاته ..
مرحبا بأخواتي الحبيبات ..
..~~~..~~~..~~~..~~~..
هذا الخميس عند أهل زوجي مناسبه ..
وكلمتني أخت زوجي تطلب مني أفكار للتوزيعات ..
قلت خلاص أنا أسويها لك ..
وسويت لها التوزيعات اللي تبي ..
وقلت ليش ماأسوي توزيعات ثانيه دينيه .. يعني زياده على اللي طلبت ..
وحبيت اني اسوي التوزيعات على حسب الخامات الموجوده عندي .. (يعني ماأشتري أغراضها)
والحمدالله جتني فكره حلوه ونفذتها وطلعت مثل ماتخيلتها ..
..~~~..~~~..~~~..~~~..
الأغراض ..
أعواد شوي .. بس أنا اللي أستخدمتها أعواد اليابانيين .. لانها افخم ..
تغليف ساده لون بنفسجي .. وتغليف مشجر ..
شريطه عريضه بنفجي .. وشريطه سخيفه (يعني رفيعه) لون أبيض .. وشريطه بنفسجي سخيفه مره ..
والورقه الوعظيه اللي طبعتها ..
..~~~..~~~..~~~..~~~..
الطريقه ..
أخليكم مع الصور أحسن ..
هنا الصقت الورقه الوعظيه من الخلف وربطتها بالشريطه ..
هنا صوره جماعيه .. هذا صندوق اسطواني عندي .. وغلفته بتغليف ابيض بفضي ..
وهذا مضمون الورقه الوعظيه ..
.. لكل داءٍ دواء ..
هل تشعرين بضيقه في الصدر واكتئاب في بعض الأحيان ، وتعسرٍ في الأمور؟؟..
إذن فعليكِ بترك كل معصيه وذنب ..
هل تشعرين بكسل وخمول .. وقلة البركه في وقتك ويومك ؟؟..
إذن فعليكِ بالمحافظه على الصلاة بوقتها وعدم تأخيرها ، و الخشوع فيها .
هل ترغبين بأن تكوني ذات ثقافه عاليه وذات رأي سديد وحكيم ؟؟..
إذن فعليكِ بالمداومه على تلاوة القرآن وحفظه ..
هل ترغبين بالمال والولد ، وتيسير أمورك ؟؟..
إذن فعليكِ الإكثار من الإستغفار ..
هل ترغبين بمحبة الناس لكي وكسب ثقتهم وإحترامهم ؟؟..
إذن فعليكِ بقيام الليل ..
وأخيراً ..أعط الله مايحب يعطيكِ ماتحبين .. فأحب الكلام إلى الله : سبحان الله
والحمد لله ولا إله إلا الله والله أكبر ..
والأهم من ذالك كله هو الإخلاص بما سبق وتجديد النيه لله سبحانه وتعالى ..
..~~~..~~~..~~~..~~~..
وأخيراً أتمنى أن ينال على إعجابكم ..
كما أتمنى
أن أكون قدمت ولو فائده بسيطه ..
وعذراً لرداءة التصوير ..
غفرالله لك ولنا وللمسلمين والمسلمات الأحياء منهم والأموات
لاإله إلاأنت سبحانك إني كنت من الظالمين
رب إني لما أنزلت إلى من خير فقير
رب إني مسني الضر وأنت أرحم الراحمين