أنا الله يسلمكم عندي ولد واحد عمره 6 أشهر ، وطبعاً فرحانه فيه
فدقيت على صدري وقلت بسوي ليه توزيعات رمضان بنفسي
:09: وبعد ما شريت الأدوات راحت السكرة وجت الفكرة أنا خبرتي في الأعمال اليدوية = صفر
قلت ما لي إلا مميزات حواء يساعدوني
هذي الأغراض اللي أخذتها
شنو الأفكار السهلة اللي ممكن أسويها بهذه الأدوات ؟؟ عندكم صور ممكن تساعدني
:( أو استسلم وأوديها لمحل تغليف يسويها لي
بقولك على فكره جات الحين في بالي وان شاء الله تعجبك
الفكره هي
انك تحطين بالفخار قش كقاعده ثم يكون بالداخل التمر الفاخر المغلف ومعاه كتيبات صغيره عن رمضان او مواضيع دينيه حلوة
ويمكن انك تعبينها بالتمر المغلف بالشوكولاته ومعاه كتيبات
التغليف
الاحلى من وجهه نظري ان يكون التغليف لونين
مثل اللون الذهبي مثل اللي عندك و الزيتي
يعني تقطعين مربعين بنفس الحجم
واحد لونه زيتي او عنابي غامق
والثاني هو اللون الذهبي
بعدين تحطين الفخار على القماش
وتربطينه بالقش "اللي يجي طويل مثل الشرايط ولونه بيج " احلى من شرايط الساتان
وتكونين مسويه بطاقه فيها صوره ولدك "الله يحفظه و يخليه لك " مع عباره حلوة
وتلصقينها فوق عود خشب "مثل اللي تستخدمينه بالمطبخ "
وتركزينها بداخل الفخار
يعني تصير البطاقه طالعه من الفخار نفسه
اتمنى يكون شرحي واضح و الفكره عاجبتك
اذا حبيتها
اتمنى
ان تدعي لي الله بان يغنيني بفضله عمن سواه و يرزقني بالزوج الصالح المناسب عاجلاً غير آجل