كل عام وانتم بخير والله يتقبل منا ومنكم صالح الاعمال في هذا الشهر الفضيل..ويشغلنا بطاعته ويعينا على اتمام عبادتنا باكمل وجه..
حبيت تشاركوني وتعطوني رايكم في التوزيعات اللي سويتها وبغض النظر عن المناسبه اللي سويتها لها حبيت افيدكم يمكن تعجبكم وتنفذونها لمناسبات تمر عليكم وتحبون تفرحون فيها اطفالكم مثل بداية العام الدراسي الجديد او حفله حفظ جزء من القران..
اولا وفرت كميه من علب التعبئه وهالمره اخترتها على شكل سطل..

ثانيا وفرت الحلويات..

واضح في الصوره اني رصيت المارشملو في عود خشبي ولبسته بكيس تغليف وزينته ببنوته خليجيه..

الخطوه اللي بعدها ثبت المرشمللو واللولي بوب في فلينه صغيره جهزتها مسبقا..

رتبت الحلويات في السطل وثبتهم بمسدس الشمع على خفيف لان مش حابه اغلفه بالسلوفان وكان خاطري احط بالونات الغاز الصغيره واثبتها معاهم بس حسيت بتطلع وايد كبيره على السطل!!!

جزء من اللي جهزتهم بس بعد مش جاهزين كامل سويت كذا وحده !!!والباقي باسوي استنفار للايادي العامله اللي عندي واللي هم خواتي الله لايحرمني منهم ...

وللكبار نصيب من التوزيعات سويت لجدتي وام زوجي شي بسيط وان شاءالله يحبونه...
وفرت هالجفير الصغير وبداخله جفران صغااااار!!!

وهذي بعض الاكسسوارات اللي استخدمتها...

واخير الشكل النهائي حطيت ام سعيد تغني قرنقعوه يكون تسوي لهم جو!!!!!وعموما انا احب ام سعيد واااااايد:)

واخيرا ان شالله يعجبكم وتدعون لي ان الله يحفظ لي احبابي وييسر لي اموري ويهديني الى مايحب يرضى...
الله يعطيج العافيه وشغلج وايد حلو
ياريتني اقدر اسوي مثلج
وان شاءالله الكل يستفيد من افكارج ,,
وان شاءالله اللي بتروح لهم التوزيعات تعجبهم :)
وحشتيناااااااا