السلام عليكم
اخواتي العزيزات اريد توزيع منهج الفنية والاقتصاد للمرحلة الابتدائية الفصل الدراسي الثاني

جزاكم الله خيرا

ماشاء الله عليج اختي لولي

فهمت انج مدرسة تربية فنية صح

والله لمن اروح مدرسة بنتي وادخل غرفة الفن الصراحة اقول حرام هذا المعاش اللي تاخذه

عندها غرفتين غرفة تخلي البنات فيها وغرفة لها طبعا عندهم حصتين اما انها تشرب شاي او تروح للادارة تقعد اهناك
يعني ماتعطي دروس ابد البنات مثل مايدخلون يطلعون انا شفت هذا تقريبا لاني كنت مشتركة في دورة عندها

بس انا اللي علمتهم بدل ماهي تعلمني

========
انا ما اعرف عن مناهجكم ......بس والله قعدتي مع ها الاطفال وانهم كانوا فرحانين كل شوي وحدة تجيب كراستها وتراويني شو سوت
وتبيني اقولها شو تسوي وشو تزيد كانو مستانسين وايد معاي

اختي لو تكون لوحة موجودة مثلا درس عن نزهة في الحديقة

انت ترسمين مثلا المريحانة وتقوليلهم كيف يرسمونها ترسمين شي وتخلينهم يسونه وبعدين الشجرة والالون

من الجذع الى الاغصان والاوراق والسماء والسحب

كل شي شوي شوي بعد ماتكتمل الرسمة

تخلين كل وحدة ترسم شو اللي استفادت منه ......... ها الطريقة اتبعها مع بناتي وماشاء الله بنتي احين في الصف الاول ماشاء الله رسمها وايد حلوو

ومرات اخليهم يلونون ايدهم ويطبعون على الورقة آخر مرة سوينه علم الامارات طلع وايد حلوو

بعد الرسم بالرصاص والتظليل ....البنات مايبون الا الاهتمام والتشجيع

خاطري اكون معلمة تربية فنية واقول من بداية السنة الاشياء اللي بطلبها من التلميذات من الوان وكراسات
واوراق ملونة بخلي كل وحدة تكتب اسمها على اغراضها وتنحط في اكياسهم حتى يكتبون اسماميهم على الاكياس

وتكون الاشياء عندي على اساس محد ينسى اغراضه ......... لمن يخلصون نرجع ونلم الاغراض

وبعد البنات يحبون العجن وعجينة الورق تنفع في هذا يقطعون ويعجنون ويلصقون العجينة على العلب
يسوون حافظة اقلام .......والبنات يحبون الاعمال اليدوية اكثر من الرسم حتى

واسئليهم انتِ بروحج شو نقدر نسوي من هذا وهذا وشو نستفيد من هذا
وهم بعد بيعطونج بعض الافكار

العلب ........قشر البيض ..اشكال فسيفساء _ كراتين الاحذية تجليدها وتزينها _ بطاقات الهاتف مثلا اللي فيها
مناظر طبيعية تتلصق على على خشب بشكل حلو بحيث اول يجلد الخشب وبعدين تتعلق الصورة او تتقصص البطايق
ويسوون منها اشكال


وقوليلهم انهم يجمعون الاشياء من البيت ومايعقونها وبعدين يراوون اهلهم الاشياء اللي سووها

وتسوين لهم معرض

هذا اللي جا في بالي احين ...........وما ادري اذا هذا اللي كنتِ تبينه ولا لا ؟؟؟

والسمووووووووحة

هلا بالغالية صدى الصمت
ايوه معلمة فنية واقتصاد
لاتستغربي من حال معلمة بنتك هنااك للاسف من المعلمات من لاتخااف الله
ولا تؤدي واجبها على اكمل وجه ....كيف بتحلل راتبها سبحان الله...
انا لا ادعي المثاليه في تدريسي ...
ولكن ولله الحمد احب اعطي المادة حقها


واشكرك اختي على كلامك الله يعطيك العاافية قلتي كم فكرة ممكن ادخلها بالتوزيع
بس انا اردت توزيع كامل بالاسابيع لكل الصفوف..




فوق 400 قارئة ...
والى الان انتظر توزيع المنهج ياريت بسرعة جزاكن الله خيرا

الرجاء من أي أخت لديها التوزيع ..
أن ترسله لي على البريد الخاص ..وسأرفقه لكم هنا ...

تمنياتي بالتوفيق لجميع الأخوات ...