توسيع البكر في الولاده..

سلاام
التوسيع مو ضروري ناس ماتحتاج حتى لو كانت بكر
يعني تتوسع بحيث يقدر يطلع البيبي وخلاص مايشقونها
بس اللي تحتاج لازم
لان اذا قالوا لج تحتاجين ورفضتي راح يتشقق لج من كل مكااان
والخياطه صح تالم بس حدها 10 ايام بالاهتمام بتطيح الخيوط وبتنسي كل شي
هذا بالنسبه لنا في البحرين اما عندكم ماعرف شنو نظامكم

حبيبتي با العكس لااازم يعملولك توسيع احسن لك ...لانهم اذا ماعملولك هم توسيع رح يتمزق عندك فتحة المهبل
ولا كيف بده يخرج طفلك ؟؟
لا حبيبتي لازم يصير توسيع ولوشي بسيط ...يمكن اذا شافوماله داعي مارح يوسعوه بس الاغلب رح يصير توسيع ..
لا تخافي ليش انتوهيك خايفين يابكريات ؟
والله الشغلة كتير بسيطة المهم انتي تعتنين با القطب متل مابتطلب منك الدكتورة ..

انا ولله الحمد مايسوون لي توسيع
عندنا في الامارات خاصه في المستشفى اللي اولد فيه ما يوسعون الا للحاجه يعني اذا شافت القابله انه الراس كبير وممكن يصير تمزق توسع لك وبس
اما في بعض المستشفيات الحكوميه يوسعون عشان يخلصون تولدين وتفتك القابله
واللي اعرفه انك لما يوسعون لك او تتوسعين من نفسك ماتحسين بالجرح ساعة التوسيع بس حرقان بسيط هذا اللي سمعته اما بالنسبه لبعد الولاده الجرح مع المسكن والمضاد ان شاء الله يطيب بسرعه
حبيبتي لا تفكرين بهالامور فكري باللحظه اللي تحضنين فيها البيبي بصحه وعافيه اصلا ذيك اللحظه يكون همك تخرجين البيبي ماتهتمين باي شي ثاني

الله يسهل عليك ولادتك ولا تحتاجين لا توسعه ولا غيرها

ياااربي لاتخووفووني يكفي اني ماانام
من كثر ماافكر دعوواتكم يابنات الله يسعدكم

صدقيني ماتحسين بالتوسيع ابدا لانه مايوسعون الا اذا قرب البيبي يطلع وبالحاله هذي يكون ضغط على اللحم وتخدر وان حسيتي بتحسين كانه مويه حاره شوي انصبت على الجلد
ومايكون احساس الجرح ابد
انتي ركزي بدفع البيبي واسمعي كلام المممرضه ولاتحاولين تشوفين وش تسوي الدكتوره وصدقيني مارح تحسين باي توسيع

ولاتسألينها وش تسوي هل اعلم منك

الله يتمم حملك ويهون عليك الولاده