توسيع الرحم قبل موعد الولادة !! اللي تعرف تفيدني

السلام عليكم


الله يسعدكم أخواتي و يبارك لكم في رمضان و يرزقني وأياكم و والدينا و المسلمين أجمعين الرحمة والمغفرة والعتق من النار




تعالو بسولف لكم و أفضفض وعسى ربي يسخر لي اللي تشور علي و تساعدني واللي تدعي لي بكلمة طيبة


والله أني في حالة ما يعلم بها إلا ربي ظروف صعبة ونفسية عدم


وزاد الطين بالله الظروف اللي مدهورتني لكن الحمد لله على كل حال و الحمد لله كثيرا


الآن قبل فترة قالو لي نقص موية الجنين طبعاً كانت تنزل معي افرازات شفافة وشكيت فيها مرتين في مواعيدي أقول للدكتورة تقول طبيعي


آخر مرة سويت أشعة في مستوصف جنبي و تفاجئت أنها تقول الموية بادية تنقص
من بكرة طيران لها و سوت لي اشعة وطلع اخر حد فالطبيعي 7 ونص


المهم صار لي اسبوع عالأشعة اليوم شافتني وقالت بكشف اشوف الرحم قلت مسكر قالت بشوف
شوي الا توجعني قالت بسوي توسيع قلت لا قالت ثواني لكن مدري كملت او لانني ماتحملت الألم و لا حبيت الفكرة !!


قالت خطر وفيه نقص قلت نسوي أشعة طيب ونشوف نقصت أو ممكن زادت !
قالت بعد 10 أيام نسويها قلت طيب ماجاء موعد ولادتي ولا أبي أولد الآن الوضع جداً صعب


دام ربي ماكتب ليه أتبهذل ؟


كتبت لي خروع وسوت لي تخطيط و مصرة اشرب الخروع وبعد يومين اعادة تخطيط !!


أنا صراحة متضايقة و زوجي تكلمت معه وقالت لازم تولد ! قلت لها ربي يا دكتورة كبير وكريم و أنا أثق في حكمة ربي
ماشريت الخروع و زوجي يحن و قلت بكرة بمشيئة الله بسوي أشعة أتطمن




لكن وش رايكم يا أخواتي وش تنصحوني ؟


أنا مؤمنة بربي وعارفة ربي ولطفه وكرمه فلذلك بتوكل عليه وأسوي أشعة أن طلع فيه نقص توكلت و سمعت شوركم


وان طلعت أموري سليمة حجزت موعد بعد اسبوع


وش تشورون علي؟


الله يحرمكم عن النار ويسخر لكم أزواجكم وخلقه جميعاً
والمحرومة ربي يرزقها ويقر عينها في هالليلة المباركة




فمان الله ..