:::::: توصيـــــــــــة للي تبيع جـــوالها ..؟؟؟؟؟؟؟ ::::::

السلام عليكم ورحمة الله


حياكم الباري ..

موضوعي اليوم .. هو توصيه وتحذير ..


وبصراحه هالمشكلة عانيت منها وكثير حولي صار لهم نفس الشيء ..

السالفه ومافيها ... أحذروا تبيعون الجوال والأرقام فيه .. لأن بصراحه يتضررون أصحاب الأرقام المحفوظة.. مع الرقم يعرف الإسم ..

يعني أنا مثلا أزعجني واحد ويذكرني بالإسم بعد .. طنشناه وراح يتصل من رقم ثاني .. شكيت بكل أحد .. لأنه يعرف أسمي ..

وحده من صديقاتي .. أزعجها واحد وعارف إسمها .. والوقح يقول لها ترى اللي أعطتني هالرقم والإسم وحده عرفتها بالشات .. صديقتي شكت ببنات حسبي الله عليه .. وآخر شيء يهددها إنه راح يكلم أهلها ويقول لهم .. المهم يوم قالت لوحده من صديقاتها طلعت نفس البنت صايره لها السالفه ومن نفس الرقم .. وكم وحده كذا ... لأن وحده من زميلاتهم جوالها باعته ومامسحت الأرقام ..

تخيلوا لو البنت خافت من تهديده وصدقت كلامه .. وقعدت تكلمه و و و و .. شفتوا شلون النتيجه ؟؟


فاللي أبيه .. تمسحون الأرقام .. وغير كذا لو جاك إزعاج وصار لك نفس اللي قبل أعرفي أن السالفه كذا .. ولا تصدقينهم ولا شيء .. طنشي ولا تردين ...


أحس كلامي مو مرتب وبالعامي .. بس لعله أبلغ ويصل :)

أسأل الله أن يحمينا وبنات المسلمين ..