نور وكلي نور :

أه على فرقا الأحباب فقدت أعز أنسان على قلبي أبوي الغالي وأنا بأمس الحاجه له كنت توني صغيره بصف ثاني أبتدائي وماكنت أعرف الموت كنت أحسب أنه يوم ولا يومين ويرجع لنا لاكن طال أنتظاري ومارجع جانا العيد وأقول لأمي وين أبوي يطلعنا ويمشينا ليه مايجي كنت أقعد من النوم مفزوعه وأدور على حظن الغالي يدفيني ويحسسني بالأمان ومالقيته وكبرت وأنا على هالحال محرومه من أغلى كلمه بالوجود كلمة يبه وربيت عند جدي حبيبي عوظنا عن كل شي صار هو أبونا الي أنحرمنا منه لو تغزنه شوكه يصيح علينا ويتأثر ماأنساه يوم زواجي مسك زوجي وقعد يصيح يقوله البنت قطعه مني خلها بعيونك تخيلي تشوفين رجال كبير ويصيح شنو موقفك كان يتحمل المشقى عشانا يقعد بالشمس وهو رجال كبير بس عشان يكد فلوس ويصرف علينا بين يوم وليله راح جدي راح الغالي الي ماتخيلت أني بيوم ومن الأيام أفقده والله أني تمنيت أموت معاه أستغفر الله ماتتخيلون شلون تعلقي فيه أه عليك ياجدي أكتب لكم ودموعي تهل ليته يمي ويمسح دموعي الي مايرضى أنها تنزل لو مهما كان الله يرحمك أنت وأبوي والمؤمنين والمؤمنات الله يصبر قلب كل من فقد عزيز على قلبه الفراق صعب والله يلهم ذويهم الصبر والسلوان

أه على فرقا الأحباب فقدت أعز أنسان على قلبي أبوي الغالي وأنا بأمس الحاجه له كنت توني صغيره بصف...