السلام عليكم ..
كيفكم يابنوتات :27:
حابه اقولكم قصه صارت قبل سنتين او تلات سنين
ومن هالقصه ابغى اخد رايكم بشغله..
كان عندنا جارتنا ام احمد الله يرحمها ويغفرلها .. زوجها زعلها وراح على شغلو الساعه 12 الظهر
ولمن زوجها راح طاحت على عيالها اكبر ولد عندها عمرو كان 11 سنه واصغر واحد 5 سنين العيال دقو على جارتهم اللي بجنبهم الحرمه هادي مرا خوافه قالت خليكم عند امكم الين ماابوكم يجي الاب يجي بالليل
عيالها مانزلو عندنا ولا قالولنا انو امهم تعبت ولا جارتهم اللي فووق كلفت على نفسها وقالتلنا احنا لو ندري بنتصل ع الاسعاف بندق على زوجها على جدهم ع الاقل نتصرف
هديك قفلت باب بيتها وسكتت ع الموضوع
بالصدفه جدهم جاهم الساعه 6 العصر ولقى زوجه ولدو طايحه شالها ووداها المستشفى الدكتور قال انكم تأخرتو عليها .. دخلوها العنايه على طول الساعه 12 الليل جا خبر وفاتها الله يرحمها ويغفر لها ياارب اللي بالعماره كلهم قهرانين من الجاره اللي بجنبهم .. احنا ندري انو دا يومها بس اقلها كانت تقول لاي واحد بالعماره العماره كلها رجاال اي واحد يحرك السياره وبيوديها المستشفى او رنه ع الاسعااف وبيجوون يمكن ربنا يكتبلها عمر جديد ..
سؤالي لو انتي لا سمح الله مريتي بدا الموقف ببتصرفين ولا تسويين زي الاخت تقفلين باب بيتك وتقولين مسؤليه ومدري ايش ؟
مادري ادا كان دا الموضوع مكانو مناسب او لا
بس حابه اعرف رايكم يابنات حـواء...
جوالي غير @goaly_ghyr
عضوة نشيطة
يلزم عليك تسجيل الدخول أولًا لكتابة تعليق.
CHOCLET CHIPES
•
لاماراح اسوى كذا والله لايحطن في هذا الموقف
اعوذ بالله جيران طبعا اساعدها الله يرحمها و يعظم اجر زوجها و اولادها و اهلها
والرسول صلى الله عليه و سلم وصى بالجار
والرسول صلى الله عليه و سلم وصى بالجار
الصفحة الأخيرة