توفت صديقتج او استوالها حادث(لا قدر الله) وانتم مع بعض كيف تخبري اهلها

هلا خواتي شخباركم عساكم بخير وعافية

بنات اكيد كلشي بيد الله عز وجل وانا لله وانا اليه راجعون..
الله يحفظ الجميع *****الله ويطولي بعماركم..

اذا كنت مع ربيعتج ولاقدر الله صار حادث توفت او استوى فيها شي كيف راح يكون موقفك وانت مجبرة على اخبار اهلها و خاصتا اذا كنت بالغربة يعني تدرسون برة البلاد..

اخبركم عن موقفي او بالاحرى صدمتي الي للحين لما اتذكرها اموت قهر..
بنات انا من اصل عراقي بس ماشايفة العراق عايشة في بريطانيا طول عمري مع اهلي الله يحفظهم يارب امين..بس الحين بدبي لان تزوجت هني..

المهم يوم كنت بالجامعة في بريطانيا..بالصدفة كان ويانا طالب عراقي يعني من بلدي..
كان يتكلم انكليزي بس المحاضرات والكتب شوية صعبة عليه بما انو نفس لغتي يعني عربي والفصل كله انجليز فطلبت مني الدكتورة اساعدة بالترجمة واشرحلة..
الشاب كان متغرب عن اهلة لسبب الدراسة يعني المسكين اول مرة يبعد عن اهلة وكان عمرة 18 وقتها..
المهم في نهاية السنة الدراسية الثانية عبدالله (الشاب المقصود) استوالة حادث قوي بالسيارة
خذو المستشفى والصبح يوم سرت الجامعة سمعت من الدكتورة لان المستشفى خبرت الجامعة بما انو مالة اهل بالبلاد..
تدرون بنات انا يوم سمعت متت قهر وبكيت بهسترية لان تخيلت نفسي بالغربة واهلي بعاد ومالي حد ويستوي فيني كذا..
المهم انا كلمت اهلي لان اصلا خبرتهم عليه انو فيه شاب من بلدي تدرون عاد الوطنيات اشتغلت..الوالد سار المستشفى يسال عنة عشان الريال لايحس بالوحدة ووحشة اهلة .. كان راقد بالعناية المركزة يسمع بس مايروم يتكلم ولا يحرك جسمة فاليل قالو عندة نزيف بالمخ ومعجزة اذا عاش..الوالد تم معاه ماتركة حتي الوالدة سارت وانا وبعض الزملاء والزميلات من القسم..

الفجر عبدالله توفى..الى رحمة الله

الله يرحمة يارب وينور قبرة ويسكنة فسيح جناتة.. ادعولة بنات..
المهم كانت صدمة قوية جدا عالكل ابوي وامي يصيحون والله بحرقة تقول فاقدين ولدهم ولو انهم مايعرفو بس مسكين توفى بالغربة وبعيد عن اهلة.

المصيبة الحين كيف و مين راح يخبر اهلة؟؟
بحكم زمالتي فيه تعرفت على اختة عن طريقة كنا نتبادل الايميلات و مسجات بالتلفون
بينما كان الوالد مشغول باجرئات السفارة والمستشفى عشان شهادة الوفاة والدفنة لان تعرفون الاوضاع بالعراق كان من المستحيل ارسال الجثة كان خاست بالطريق يعني شهر ماتوصل والوالد قال اكرام الميت دفنة.. كان فيه مقبرة مسلمين بس في مدينة ثانية ساعة عن مدينتنا..
المهم ابو عبدالله متوفي واخوانة اصغر منة يعني ماعندهم ريال كبير فلازم يا انا يا امي تخبر الحريم
الله لايوريكم الموقف ..بصراحة انا مرة غبية بهذي المواقف .
طرشت حق اختة مسج قلت لها اعطيني رقم زوجك.. (عشان الوالد يكلمة) بس ماخبرتها ابي الرقم حق ابوي..شوفو الغباء

الحرمة عطول دقت : خير شو في عبدالله في شي قلت لا لا بس ابوي يبي يكلمج
وابوي يكفخني .. والله بنات ماعرف من القهر والصدمة شو اقولها ..عاد هي نادت زوجها و الوالد خبرة..
مساكين اهلة والله الله يكون بعونهم ويصبرهم
الموقف هذا من 5 سنين..

اسفة طولت عليكم بس والله كلما اتذكر الموقف اصيح والله الحين الدموع تتسابق على خدي..
بس الحمدلله خذينا المسجد وصلو عليه ودفنا بمقبرة المسلمين..
كنا دايما بالعيد نزورة ونقرأ عليه قرأن.
الله يرحمة يارب يارحيم



شو تسوون لو كنتو في مثل هذا الموقف....لا قدر الله.. سبحان الله ماحد يعرف وين بيموت..

السموحة اخواتي طولت عليكم امانة تترحمو على اخونا بالله