هذي القصه لوحده حبت اني انزل قصتها وتبغى منكم حلول وتشجيع وهي راح تشوف رددودكم
انا ارمله عمري ٣٤ سنه وعندي بنتين وحده روضه ووحده ابتدائي
المشكله بعد وفاة زوجي اخذني ابوي وعشت مع اهلي وماكنت راضيه بس اليد قصيره والعين بصيره
ابوي بخييييل جدا جدا معيشنا في شقه صغيره غرفتين وصاله ومجلس رجال فقططططط
واحنا 6 بنات عندي 5 اخوات لسى ماتزوجو ولسى مطولين يدرسو ثانوي وجامعه وانا السادسه ومع بناتي وامي صرنا 9 تخيلو 10 انفار يعيشون في شقه غرفتين وصاله ومجلس!
تحملت بالبدايه وصبرت وياما تعذبت مره افرش في الصاله ومره اشيل فرشي وفرش بناتي وننام في المجلس ومره غرفة اخواتي وهكذا
الين مرضت وتعبت من كثر مااشيل في الفرش واحط وبناتي تعبت نفسياتهم
الحين كبروا وزادت اغراضهم يحتاجون غرفه ادوات المدرسه والعابهم وكتبهم وملابسهم في كراتين مافي مكان احطهم فيه
ابوي مرتاح ماديا وعنده فلوس واراضي بس بخيل حاولنا بكل الطرق نعالج بخله بس ماقدرنا وكلمه اخوه وكلمته خالتي خلاص مانرجي منه شي
امس استخرت وجلست احسبها منا ومنا انا عندي راتب تقاعد زوجي 3000 وشويه
وجمعت منهم حوالي 20 الف قلت لاقدرالله اموت تنفع بناتي
انا ذقت المر والويل وبناتي تعقدو ابوي كل يوم يضرب اخواتي ويتلاسن معاهم
كل يوم الحرب قايمه ببيتنا عشان اساسيات الحياه يطلبونه مصروف او اغراض ومايجيبها الا اذا صارت حرب بينه وبينهم وبناتي تعبو من الصراخ والهوشات وانا تعبت اكثر منهم
اخيرا قررت اني استاجر شقه واطلع لحالي كلمت ابوي وقال اطلعي مع السلامه
قلتله يابوي اكيد ؟ مو استاجر واتعب نفسي وتمنعني
قال والله ماامنعك روحي استاجري وفكيني
الحين استخرت وقررت ان شاءالله استاجر شقه صغيره بحدود 10 الاف سنويا
وحده من خالاتي عندها سواق يودي بناتي ويجيبهم يعني ضامنه المدرسه ان شاءالله اما بقية المشاوير لابد من التاكسي بس بيكون واحد ثقه يعني سعودي وكبير بالسن ببحث عن طريق الصديقات
والمصاريف وكل شي سويتله جدول وميزانيه
وش رايكم ماعندي احد استشيره ابغى اعرف عادي اعيش وحدي علما اني شجاعه وقد حالي ومااخاف الا من اللي خلقني ويعتمد علي
بس ابي راي ابي اسمع راي غيري راي ناس مايعرفوني عشان اقرر
يابنات انا اقتصاديه ومدبره واعرف ارتب اموري الماديه حتى لو الراتب قليل اعرف اخليه يكفينا ان شاءالله
يعني مشكلتي مو ماديه مشكلتي رهبه وتردد من فكرة السكن لحالي
مو خوف ووحده لا
لكن احتاج راي اخر اتمنى ماتبخلون علي بأراكم
Kraft @kraft
محررة برونزية
يلزم عليك تسجيل الدخول أولًا لكتابة تعليق.
Kraft
•
انا اقول تتوكل على الله وربك راح يحلها باذن الله ويفرجها عليك اهم شي تاخذ بيت قريب من بيت اهلها
الصفحة الأخيرة