اوركيدا ...الله يبارك في وقتك سبااقه دائما ماشاءالله .. :27:
بالنسبه لطنجره الضغط عندي وحده ...اشتريتها من هني بس ما عجبتني ...
ماادري يمكن ارجعها واستخدمها لان فرني كهرباء والطبخ يطوووووووول وايد لين يخلص ...

التلفووون ...الموبايل والمكالمات الخارجيه هي اللي تصرف وانا بصرااحه مليت من سالفة البطايق ...وطبعا ما اقدر حرم نفسي من الكلام ...انا رووحي طفشاانه والناس اللي هني مشغوولين نادر اللي فاضي يسوولف .... :D

الكهرباء بقدر المستطااع اغلق اللي ما استخدمه لكن ....ما اقدر ااجل الغسيل الى الليل الى بعد العاشره .......لاني لازم انتظر وبعدين احط الغسيل في النشاافه ...واصلا خلاص على العاشره يكووون حيلي مهدوود والغسيل تحت في البيسمنت >>>>>>>>>>> اعذااار ...وحده ما يحلو لها الغسيل الا الصبح

الكوي نادر ما اكوي لاني اطلع الثياب من النشافه وعلى طوول اعلقهن :icon28:

باارك الله فيك اختي الغاليه على المرور والمشاركه ..... :27:

حصاحيصو >>>>>>>هلا شكلج عضوه يديده عندنا يا مرحبابج ... :)

اكتشافك خطير بس ان شاءالله ما يطلع صحيح خخخخخخخخخخخ تعرفين ليش لان يوومي بخلص ولطبخ ما بيخلص ولو تشووفيني اشغل الاربعه مراات ههههههههه ولا بعد احترقت عين انفجرت والله سلم ويهي ....
يختي اكثر شىء يستهلك كهرباء هو الفرن ....وانا الله يهديني انسى مراات الفرن شغاال واروووح ههههههههه ....الله يعين :30:

اختي هوووووووووووم كلامك صحيح ...فعلا فاتوره الغاز تينا مدبله في الشتاء وتقل وايد في الصيف ....والكهرباء دايما عندي فووق وتزيد اكثر في الصيف ..والمشكله انه الفرن على الكهرباء ياليته على الغاز جان اختصرت وقت الطبخ ...مشكوووووووره الغاليه على هاي الطله الحلوه ... :27:

ام بدر .........ما تيوووزين عن سوالفج .......ضحكتيني الله يسعدج ....وانا بصرااحه يالسه ارتب للاستقاله ... :icon28: ....وبالنسبه لي مستحيل احشرهم في حجره ...والله ليطلع لي الشيب قبل وقته ....اخليهم يهيصوون الله يبارك فيهم حراام مالهم ذنب في الغربه ....بس تعرفين ما اقدر ابند الدفايه لانه للبيت كامل ..ومنطقتنا ثلج باارده بردها لا يطااق :30: وبالنسبه لزوجي اغلب وقته مش عندنا فمسكين دوووووم بردااان خخخخخخخخ ...واذا جاء البيت اكوون انتهيت خلاص ما اقدر ادفيه بما فيه الكفايه يعني يادفايه اشتغلي غصبن عنج خخخخخخخخ

دمعة حزن الله يبعد الحزن عن قلبج ....لازم تستفيدين على الاقل اللي توفرينه من هالمصاريف يدخل جيبج وشترين منه اللي تبينه ...ياحياج ..

ام هاادي نورتي الموضووع الغاليه .....شووفي انا ما عندي خبره كافيه بشراء البيووت ...لكن اذا انت مقيمه ...وعندك الامكانيه انك تشترين بيت ....استخيري وتوكلي ..بس لازم تسالين اللي عندهم خبره في مثل هالمواضيع واكيد اخواتنا لغليات ما بيقصرن ...
انا كنت ساكنه في شقه ...وكنا ما ندفع غير الكهرباء والتلفوون فقط ....بس بصرااحه كان المجمع السكني يااخذ زيااده على الفاتوره 20 % وكانت تينا الفاتووره غاليه .....ومره يتنا فاتوره تلفوون مالة البيت غاليه تقريبا مية دولار زياده ...واستغربنا وكان وقتها بنطلع من الشقه بعد التحرياات اكتشفنا انهم حاسبين بالغلط تلفونا وتلفوون جارنا خخخخخخخ ....تخيلوا يعني لو ماسالنا جان راحت علينا ...والحمدلله ردوووهن .... :icon28:

هلا فروشه مواضيعك تعجبني حبيت اسال الماي تدفعونه ولا صاحب البيت وخاصه اللي في بريطانيا

هلا اختي دويمه مشكووره الغاليه وبعدين وينج مختفيه الفتره الاخيره ....على العموم شووفي بالنسبه للماي ندفع نسبه محدده تقطع من ايجار البيت لصاحبة البيت ...وبالنسبه لبريطانيا والله ما اعرف لاني في امريكا ..وحتى في امريكا الوضع يختلف من مكان الى مكان ..اول ما ييت امريكا سكنا في شقه ما كنا نسال عن الماء ..المجمع هو المسئوول ..اما في هذا البيت فالوضع اختلف ...مشكووووووووووووووره على المرور ..