السلام عليكم ولرحمة الله وبركاته
الحمد لله على قضائة وقدرة
الحمد لله اذا احب الله عبدا ابتلاة
الحمد لله على كل حال
حبيباتي دعواتكم بان يربط الله على قلبي انا واخوتي اولا اجازة الحج كانت بدايتها سعيدة ونهايتها اليمة ومحزنة اااااااااااااااااااااه ياقلبي في رابع ايام العيد توفيت سلفتي وفاة طبيعية جدا وعمرها 26 سنة اسال الله لها الجنة وعندها بنتين الاولى عمرها 6سنين والثانية 4 سنين ومولود عمره شهرين الله يجبر قلوبهم جاني خبرها من اخت زوجي وانا عند اهلي اتصلت علي وتبكي بكا وتقول ايمان ماتت دعواتك لها بالرحمة وهنا انصدمت وكانت اختي جمبي وابكي واصيح وانا لله وانا اليه راجعون ارتعد بيت اهلي بالبكاء
كلنا نبكي لدرجة ماصدقت الخبر ودقيت على زوجي واساله صدق الخبر اللي سمعت قال دعواتك لها بالرحمة هنا جن جنوني يالله قبل يوم موتتها كنا مجتمعين ونسولف ونضحك ولكن الحمد لله على كل حال واصيح وامي راحت معاية لبيت اهل زوجي ليبدا العزاء وعندي مولودة عمرها شهرين كان كل وقتها مع امي ماقدرت لها وكل يوم وامي حبيبة قلبي تجي العزاء وارتاح اذا شفتها ليتني ضميتها ضمة قويه وجلست ابوسها لان قدرها بعد عزاء سلفتي رحمها الله والله ومرت 5ايام العزاء من الاثنين الى الجمعة وفي ليلة الجمعه صار على اهلي حادث في ابها وتوفي ابويه وامي واختي شمعة بيت اهلي اغادير عمرها 10 سنين وخالتي وعمتي انا وقت حادث اهلي كنت عند اهل زوجي اونسهم بعد موت سلفتي في ابها وشوي الا وجا الخبر لابو زوجي وعلى طول سحب جوالي وحطة بغرفتهم علشان لحد يفجعني بالخبر ويالها من ليلة البنات اشوف وجيههم مقلوبة وعيونهم حمرا وانا اصبرهم توقعتهم يبكون على ايمان الا وزاد الطين بله موتت اهلي ويجيبون لي اكل وكلي ونامي وانا ادور لجوالي قالوا هناك في الصالة نامي ونمت الى الفجروقمت وصليت وصبح علي عمي بالخير وقالي صليتي قلت اية ودخل غرفته وعلى باله يقولي بس ماقدر ورجعت انام الا وحماتي جايبة الفطور تقول قومي افطري وافطرت ونمت الا وشوي وخالتي ام زوجي تناديني وتمسك يدينها في بعض ورحت لها قالت يابنتي جهزي اغراضك جدك شوي تعبان بنروح بيت اهلك انا هنا شكيت وبديت اصيح وقلت والله ماهو جدي ان ابويه فيه شي قالت ابوك صار علية حادث وانا ابكي وجا عمي ابوي زوجي والبنات وكلهم يصبروني وقالوا مادريتي انهم راحوا يعايدون اهل امك وهنا صحت قلت والله ان ابويه ماااااااااااااااااااااااات قال عمي ادعي لة ولبسوني عباتي ورحنا لبيت اهلي على بالي ان امي واغادير باقي احياء ولكن الموت اخذهم كلهم رحمت الله عليهم انا يوم دخلت بيت اهلي مابكيت من قوة الصدمة قابلتني اختي وانا اصيح اقول امي واغادير وييييييييييييييين قالت اختي كل اهلي ماتوا لااله الا الله والحمد لله على كل حال دعواتكم لنا بالصبر ولهم بالرحمة اللهم نور لهم قبورهم واحمد الله كلهم مبتسمين ومتشهدين حتى اغادير لااله الا الله اللهم وصبر اخواني سعيد وعبدالاله اخواني لسى ماتزوجوا والحمد لله احنا 4بنات ماشاء الله كلنا متزوجات واخي علي الكبير متزوج وعايش في ملحق عند اهلي واللحين قريب من اخواني واخواني نفسيتهم مرة تعبانة لانهم راحوا وشافوا اهلي وشافوا الجمس بعد الصدمة وشافوا دمانهم عالمراتب وسعيد يمووووووووووووووت في شي اسمه اغادير تخيلوا الموقف في المقبرة يوم جو ينزلون اغادير مسك رجولها ويصيح لالالالالالالالالالالالالالالالالالاماتنزلونها ااااااااااااااااه ياغادير اسفة عالاطاله مع اني سردت لكم ماساتي اريد دعائكم
__________________
منقوووول من منتدى الفراشة :(:(