توفي اللي بداخل بسكوت عين الجمل... مساعدة

اطباق عالم حواء

السلام عليكم ورحمة الله وبركاته

عزيزاتي.. ممكن مساعدة

أبغي طريقة التوفي اللي يكون بداخل بسكوت عين الجمل.. تكون مظبوطة ولذيذة

وإذا عندكم طريقة البسكوت يكون هش ولذيذ.. راح اكون طماعة :27:

أدري فيكم ما راح تقصرون
11
7K

يلزم عليك تسجيل الدخول أولًا لكتابة تعليق.

تسجيل دخول

نهله
نهله
الأخت سبرانسا كتبت طريقة التوفىمع طريقة البسكوت وسويته وطلع حلو
لازم تخلينه على النار مع التحريك الى ان يثقل ويطلع حلو ولا يسيح
أم حمدان العسل
ما زلت انتظر الرد :(
جرحي عميق
جرحي عميق
بصراحة انا سويت طريقة هند في قسم الحلويات

طلع طعمه جنان
حلا الإمارات
حلا الإمارات
ايه والله اذا ممكن تحطون لنا طريقة عين الجمل بالتفصيل الممل
ام الحلوين
ام الحلوين
هذه طريقة سبرانسا الله يعافيها

طريقة بسكويت عين الجمل

المقادير: (الكأس المستخدم في المقادير هو كأس جبنة بوك الحجم الوسط)
1.5 كاس دقيق الذره.
2 كأس طحين رقم 1.
1 كأس سكر بودره.
2 ملعقة صغيرة بيكن باودر.
3 بيضات.
1 زبده (227 غرام)


الطريقة:1. يضرب البيض مع السكر في الخلاط.
2. يضاف دقيق الذره والطحين والبيكن باودر الى الخليط السابق ويعجن باليد.
3. ثم تضاف اليه الزبده بعد اذابتها لتصبح سائله.

مقادير التوفي:2 فنجان قهوه سكر خشن.
1 علبة قشطة.
قليل من الزبده.
4 ملاعق كبيرة حليب سائل مركز.

طريقة التوفي:1. توضع قليل من الزبده مع السكر على النار حتى يحمر لونه ثم تضاف القشطة والحليب المركز مع التحريك المستمر حته يصبح غليط القوام ويميل لونه الى اللون العسلي وبعد ذلك يترك ليبرد وبعدها يصب في قوالب البسكويت.
وصحتين وعافيه

تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.


بالنسبه للعجينه تكون مثل عجينة البتي فور تسمح انج اتشكلينها على شكل كره اصغيره وتحطينها في القالب البيضاوري يعني لا تكون سائله ولا تكون ناشفه وايد واي طبخه اكيد تعتمد على المقادير الدقيقه
وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي
وبسسسسسسسسس.. وصحتين وعافيه

المقدار الواحد يسوي 45 قطعه بسكويت (امسكرين على بعض) بس تاخذ وقت بس النتيجه يمممممممممممممم
هذا رابط الموضوع
http://forum.hawaaworld.com/showthread.php?t=307543&highlight=%C8%D3%DF%E6%CA+%DA%ED%E4+%C7%E1%CC%E3%E1