ادخلي تراه موضوعي خفيف على المعده
اول شي السلام عليكم ورحمة الله وبركاته
بتقولون وش الي توقعتيه وش الي صدمك
حنا ندور بنفس الدائره حقت انتظارنا لكلمة ابو متعب الله يحفظه الي كانت يوم الاحد
صحيح قراره صدمني بس مو لاني ضد المراءه او حتى ان السياسه تعني لي شي
هالامور ماافهم فيها مع انه ماعجبني القرار بس مانسبق الاحداث ونشوف وين الخيره فيه
الي مضيق صدري كنت انتظر قرارات تهم الشباب خصوصا انهم جربو وعطو المسؤولين سنه ومافي اي نتائج
راحت اعمارنا انتظار
كنت اتوقع يلغون اختبارات القياس الي لاخلت ليلي ليل ولانهاري نهار عقدتني وعقدت عيالي وفوق كل هذا بفلوس يعني موت وخراب ديار وليتها سهله او اسالتها مستوعبه ماغير خسف بالدرجات
وبدال مايشيلونها كثفوها صارت بكل مرحله حتى بالروضه :(
يعني مشوار 12 سنه يتحدد باختبار مدري منين جاي ولا سمعنا فيه قبل باي دوله متقدمه ولا انزل الله به من سلطان المتفوق والكسول مستواهم ممكن يصير واحد بكم ساعه اختبار
توقعت الغاء اختبار قدرات والقياس والاحصاء وانصدمت انه لم يناقش :(
كنت اتوقع ينظرون بالمناهج الدراسيه وحجم الكيلوات الي يشيلونها عيالنا يوميا من الكتب الي بدال ماكانت على زماننا كتاب صارت كتابين اثقلت كاهل هالطلاب وزياده عليها دفاتر ولو ماجاب دفتر خسفو بدرجاته < يعني هي ناقصه
توقعت يخففون المناهج او يرجعون لحجم المناهج القديمه وانصدمت ان الموضوع ماطرالهم على بال
توقعت يناقشون ارتفاع الاسعار بكل شي خصوصا الاشياء الضروريه للحياة مثل بيت سياره مواد غذائيه لاكن للاسف انصدمت انه الاسعار بتزايد ولاحياة لمن تنادي
توقعت اشياء كثيييره كنت احلم فيها لصالحنا وصالح بلادنا مع اني ماكنت اطمع بزيادة رواتب او راتبين او ترقيات
بس صدمتي خلتني استسلم واقول الله كريم حسبنا الله سيؤتينا الله من فضله انا الى الله ورسوله راغبون
احس انه ماعاد فيه تقدم كل مالنا ورا خطواتنا توقفت وطموحاتنا تجمدت واهدافنا ابعدت
واملنا بالله الكريم
ماننكر فضل الله علينا الحمدلله على كل حال وبكل الاحوال
بس كونك تنتظر كلمه تقدمنا خطوه لقدام وتنصدم بشي ثاني هذا الي يحبط بالواحد ويخليه يتوقف مع نفسه شوي
ويراجع حساباته
يمكن كلامي كثير ومتضارب بس والله اني كتبت الموضوع من قلبي وماحاولت حتى انسقه
لاني من امس محروق قلبي على الوضع التعليمي تعجيز في تعجيز وعيالنا يكسرون الخاطر:09:
الموضوع مفتوح للنقاش بس بعيد عن قرار مجلس الشورى لانه نقاشنا فيه لايودي ولايجيب والقرار صدر وخلص
ناقشوني بالتعليم كيف نقدر نرجعه لسابق عهده او كيف نطوره لصالح عيالي وعيالكم والجيل هذا كله والجيل القادم !!
يارب وفقهم لما تحب وترضى
قصيميه بجده @ksymyh_bgdh
كبيرة محررات
يلزم عليك تسجيل الدخول أولًا لكتابة تعليق.
(نوووشه)
•
بعرف حاجه وحده القدرات ذي وش فايدتها..!!
اذا الواحد يهتم طووول السنه ومجتهد ..اختبار في ساعتين يروح مجهود سنه كامله
ويتغير كل شي ..ليه التحطيم ليه هالامور اللي ماعرفنا الفايده منها للان
ربك يعين يالغلا
اذا الواحد يهتم طووول السنه ومجتهد ..اختبار في ساعتين يروح مجهود سنه كامله
ويتغير كل شي ..ليه التحطيم ليه هالامور اللي ماعرفنا الفايده منها للان
ربك يعين يالغلا
وعليكم السلام وش اخبارك عساك طيبه
تصدقين كلامك كله صح بصح القياس مال امها داعي تخلف.!!!!!!!
وربي تخلف حرم ناس فاهمه وبين حظك ونصيبك طيب اذ فيه واحد شاطر وخسف فيه و3 سنين يقدم بالكليه ولا يقبل
باقي له 2 وخلاص
تروح فر صته بدراسه اعرف وحده خلاص لها 5 سنوات متخرجه من الثانوي يوم جت تقدم رفضوها فرصتها راحت
كيف يبون يطوروننا وهم رافضين هاللي يصير وراه ناس ماتبي نجاح اي فرد سعودي
حسبنا الله وكفى بالله وكيلا
تصدقين كلامك كله صح بصح القياس مال امها داعي تخلف.!!!!!!!
وربي تخلف حرم ناس فاهمه وبين حظك ونصيبك طيب اذ فيه واحد شاطر وخسف فيه و3 سنين يقدم بالكليه ولا يقبل
باقي له 2 وخلاص
تروح فر صته بدراسه اعرف وحده خلاص لها 5 سنوات متخرجه من الثانوي يوم جت تقدم رفضوها فرصتها راحت
كيف يبون يطوروننا وهم رافضين هاللي يصير وراه ناس ماتبي نجاح اي فرد سعودي
حسبنا الله وكفى بالله وكيلا
ياقلبي
إن المشكله الأشياء اللي تعنينا وتهمنا كثير مايناقشونها أو بالأحرى
يتحاشـــونــها ..!!
والمواضيع اللي لاتودي ولاتجيب ومامنها فايده تناقش
لكن ربك فووووق
إن المشكله الأشياء اللي تعنينا وتهمنا كثير مايناقشونها أو بالأحرى
يتحاشـــونــها ..!!
والمواضيع اللي لاتودي ولاتجيب ومامنها فايده تناقش
لكن ربك فووووق
ياحبيبتي من وجهة نظري الخاصه
ان هالقرارات عشان يتميلحون فيها قدام الدول المتقدمه
والله مالهم دخل بالشعب ولا همهم
وتشيد فيهم واشنطن وطقتها
لا اله الا الله
ان هالقرارات عشان يتميلحون فيها قدام الدول المتقدمه
والله مالهم دخل بالشعب ولا همهم
وتشيد فيهم واشنطن وطقتها
لا اله الا الله
الصفحة الأخيرة
حطي املك بالله
امآ بهالدنيآ مآحوووووووولكِ أحد