توقعون دربي صحيح؟

السلام عليكم ورحمة الله
أتمنى للجميع الحياة الطيبة...
حبيت أسألكم وأتمنى كل وحده تعطيني رأيها و وجهة نظرها وأكون شاكرة لها....
أنا لي خلفية كبيرة بالطلب من المواقع من سنين ..فعرفت كثيييير فيها وطلبت منها كثير...
اليوم فكرت أسوي لي حساب وأخصصه لطلب القطع الأصلية من موقع ماركة واحد..علشان يصير زي بوتيك الماركة نفسها ...مرتب وجميل ويجذب...
وقلت ابختار من الماركات اللي مالها فرع بالمملكة والا لها فرع او فرعين بس...وعارفين ان البوتيكات عندنا ماينزل فيها كل الموديلات اللي تنزلها الشركة بمواقعها ومركزها الرئيسي.
فقلت انزل سعر الموقع بالضبط وسعر الشحن اللي محدده الموقع واكتب تحتها عمولتي بحيث يطلع الزبونة تكون على بينة كم دفعت للسلعة وكم دفعت للشحن وكم راح تكون فايدتي...لأن اللي عرفته انها هي الطريقة الجائزة شرعا اذا ابطلب من موقع.
مشكلتي وين؟
ان الماركات معروفه اسعارها...وانها غالية...فهل تتوقعون يكون فيه اقبال؟
والشحن كل مازادت القطع زاد الشحن..فنفس الكلام تتوقعون يكون فيه طلب عليه؟
هي كتجربة متحمسة بقوة لها وماعندي مشكلة اني أقضي كم يوم احمل الصور وانزل الأسعار ..وأحدث كل مانزل جديد . .
لكن حبيت اسمع رايكم...
كدراسة مبدئية...
وربي يسعدكم على منحي بعضا من وقتكم.