توقف نمو الجنين وتنظيف الرحم .. ساعدوا أختكم

السلام عليكم ورحمة الله وبركاته
أخواتي العزيزات

أنا أم لولد والحمدلله وربي يخلي لي اياه دوم إن شاء الله
وحملت من 3 أشهر تقريبا
وربي سبحانه ما كتب لي ان يستمر جنيني في النمو
فتوقف النمو عند 7 أسبايع تقريبا
والدكتورة قالت لي لج خيارين أما عملية تنظيف
أو تشربين الاشياء الحارة اللي ممكن تنزل كيس الحمل وتسوين لج تنظيف بدون عمليات
وانا جربت القرفة والحبة الحمراء و الزنجبيل مع اني اكرهه والهيل وكل شي
بس نزل علي دم أمس ووقف :(
ومن أمس نزلت علي نقاط بسيطة وبس ..

ما ادري شو أسوي .. ما ابي عمليات لانها تخوف وكذا وحدة عملت هالعملية من معارفنا والحين يواجهون صعوبة في الحمل والانجاب بشكل طبيعي
بشو تنصحوني أشرب وشو ممكن أسويه علشان يصير تنظيف تلقائي من الرحم من دوت تحاميل وعمليات ؟؟
أتمنى من الخبيرات الرد
فعلا أنا في مشكلة وحالة نفسية صعبة
:(

ودمتم لي أخوات في الله
أدعوا لي ربي يعوضني بحمل ثابت وسليم وبجنين معافى في المرة المقبلة