عن تجربه ناس اعرفهم ممتازات ومحترمات وهي بالاول توفيق من الله

انا زيك تعبت وانا انتظر اندونيسيا تفتح وسافرت شغالتي فيدشهر اربعه من يوم عندي صوماليه تجي باليوم تنظف وتمشي شغاله بنت حلال ومن افضل الشغالات عالاطلاق نظافه وسنع بس على كيفها اذا بغت جت واذا تكرنت قفلت جوالها احيانا يكون عندي ضيوف وبيتي كبير وشغلي مايخلص استخرت الله وقدمت على كينيه وجتني قبل اسبوعين تقريبا صغيره عمرها 22سنه بنية جسمها صغيره نظيفه ولهلوبه كلامها انقليزي وانا يا الله كلمتين يبغا لها وقت لين تتعلم بس باين انها ذكيه ولماحه مره هاديه اكلها قليل اذا اعطيتها اكلت واذا ما اعطيتها ماتمد يدها على شي الله يسخر لها لي ويطرح فيها البركه ويعطيني خيرها ويكفيني شرها على فكره هي مسلمه وجلست اربعه شهور حتى جت ماهي عن طريق مكتب عن طريق سواق زميلة بنتي من اقاربه  ...................الله يرزقك بالشغاله الطيبه الصالحه ان شاء الله

السلام عليكم
اختي العزيزه
انا جربت الكينيه بصراحه كانت رائعه بكل شئ
كانت تصحى من الفجر وتصلي الفجر وتبدا بشغل البيت ( اللي عندي مسلمه )
ولان بيتي كبير فله دورين كانت تنتهي من الشغل الظهر تتغدى وتبداء بالغسيل والكوي الى الساعه 5 العصر
بعدعها تروح غرفتها الى المغرب تطلع بعد المغرب من غرفتها تروح للمطبخ تنظف اي شئ مواعين كاسات بعد العشى تتعشى وتنام هذا نظمها لمده سنتين
كانت قليلة كلام ومؤدبه وهاديه جداا حبوبه مره احيانا اقعد اسولف معاها هي تجد اللغه الانجليزيه بصراحه قويت للغتي لما كانت عندي لاني اتكلم معاها انقلش كانت ماتطبخ انا ماعلمتها الطبخ كنت انا اطبخ
هي كانت تطبخ لها اكل وكثير احيان تسووي لاطفالي بطاطس مقلي وتاكل معاهم في الحوش بدون ماطلب منها هي من نفسها بس بصراحه اطفالي كانو يعاملونها بمنتهى الاحترام وانا ابد ماخلي احد من اطفالي معاها
كل شئ انا اسويه لعيالي حتى الماء ماخليهم يطلبونها يعني هي لشغل البيت وبس
الجوال هذا اهم شئ عندهم اذا اخذتيه منها تقلب الدنيا فوق راسك هههههه
يعني جوالها خليه معاها من خصوصياتها انا كنت ارقبها لما تكلم هي ماتكلم الا اهلها في كينيا اجيب لها بطاقات عشرين او ثلاثين بس تلم اهلها وجوالها مايطلع من غرفتها يعني تكلمهم وقت فراغها وقت الشغل يكون مقفل
كانت نظيفه جداا في كل شئ في نفسها وشغلها
انا افكر ارجع اقدم من كينيا لاني جربتهم
وانتي استخيري الله يجيب لك الطيبه

الله يوفقك بشغاله بنت حلال

الله يرزقك بالشغالة المميزه في شغلها وأخلاقها وانا سمعت كثير أمدحوا بالكينيات بس بالنهايه. الخادمة زي كل شي بالحياة حظ ونصيب اللهم اجعل لنا من كل هم فرجا ومن كل ضيق مخرجا يا ارحم الراحمين