اخواتي طبعا اللي يولدون بعملية قيصرية فيه نوعين من العمليات
1) بنج كامل يعني ماتدرين عن شي وبعد ما تصحين من البنج تكون الام الصدر والكحة القوية هذا غير الصداع
2) بنج نصفي يعني اللي يكون مخدر هو من البطن وتحت اما الجزء العلوي من جسمك يكون بكامل احساسه وطبعا يحطون ستارة تغطي البطن والجزء السفلي عشان ما تشوفين شي
انا شفت ثنتين من زميلاتي طبعا ولاداتهم كلها قيصرية
الاولى تقول اخذت البنج النصفي بس مدري وش صار فيني جاتني خرررررررررعة قوية وما قدرت اتحمل اني صاحية وهم يفتحون بطني وحسوا فيها الدكاترة فاعطوها منوم عشان يخففون من توترها
الثانية كل ولاداتها بنج كامل بس الاخيرة تقول اقنعتني دكتورة سعودية في العسكري بان البنج النصفي احسن لي وتقول ما وافقت الا يوم خذوني لغرفة العمليات طبعا خلوها تنام على حنب وعطوها مخدر موضعي عشان ما تحس بالابرة وبعده بوقت يمكن 5 او 10 دقايق دخلوا ابرة البنج النصفي وتقول ماحسيت فيها والحمدلله وحده عزوجل وتقول ارتحت من كل التعب اللي كنت احس فيه بعد البنج الكامل ولله الحمد والمنة
حبايبي بغينا تشاركون بتجاربكم ولاتنسون ذكر اسم المستشفى
واتمنى بلثاني طبيعي يارب يارب يارب