تونك الاعشاب (لوقف التساقط-كثافه-يطول الشعر) من المنزل

السلام عليكم ورحمة الله وبركاتهشلونكم شخباركم 
وسبق وكتبت عن جدول علاجي لتساقط الشعر  وكان 1-فيتامينات2-حناء3-مجموعة زيوت 
ولاحظت ان اغلب البنات اللي يعانون من التساقط فروة راسهم وشعرتهم ضعيفه ماتتحمل زيوت ولا حناء فحبيت افيدكم بعلاج سهل وخفيف جدا علي فروة الراس والشعره وهو(تونك الاعشاب ) المنزلي طبعا 
اتعب واقولكم ممممممتااااااز رااائع التساقط بتلاحظينه يخف بسرعه وفوائده كالاتي : لتساقط الشعر -انبات الشعر-تطهير الفروه وعلاجها -تقويه البصيله-كثافه-تطويل الشعر 
تونك ما استغني عنه ابد ومثل ماسبق وذكرت ان العلاج داخلي وخارجي داخليا : حبوب حديد فيروجلوبين حبوب فيتامين tricologicحبوب فوليك اسيدحبوب بي مركب 12و 6
نبدا الخارجي 
كفشة ايدك (زعتر بررري) مو الزعتر العادي للاكل والمعجنات كفشة ( اكليل الجبل) وكفشة (ريحان) مجفف من السوبرماركت. او العطار تغسلينهم بالمصفاه او المشخال عدل وتحطينهم بصحن عميق وصبي عليهم كاستين ونص ماء حار وغطيه ...اتركيه لين ثاني يوم دوري بالملعقه وصفيه وحطيه برشاش وبالثلاجه مدة الاستخدام 4 ايام مرتين خلال اليوم
الطريقه غسلي شعرك باي شامبو ويفضل ضد التساقط للي تعاني تساقط مثل فاتيكا بالصبار والجرجير او الفيف من لوريال وبعدها نشفيه بمنشفه وابدي رشي التونك علي فروة راسك وشعرك ونجيب كم نقطه من اي زيت يناسبك مثل جوز الهند او الزيتون براحة ايدك وافركي الشعر فقط وليس الفروه واتركي شعرك يتنفس براحته الين تحسين انه رطب فقط ولاهو جاف ولا مبلول ابدي سمي بالرحمن ومشطيه شوي شوي من تحت لفوق بمشط اسنانه عريضه ووسيعه واقري الفاتحه سبعه مرات وانتي تمشطي 
ولفيه كعكه ومسديه بالفرشه 
ملاحظه بتلاحظين بعد الجفاف ان شعرك يابس شوي وفيه فاف عاااااادي حطي زيت خفيف بالشعر ومشطي نتحمل اي شي عشان شعورنا ترجع زينه 
يابنات اتعب واقول تونك رائع يوقف التساقط يكثف الشعر يقوي البصيلات يطول الشعر لا تتركو خطوه التزمو بالحبوب والتونك واكرر ارجو الالتزام بكل خطوه كتبتها لكم لاجل تحصلون نتيجه مرضيه بنات الي تحصل نتيجة تدعيلي تدعيلي من قلب اقوم من عمليتي بخير  وربي يحفظ عيالي اختكم في الله