ممكن تسوي أشياء كثيرة من التونا
عندك مثلاً:

كبسة التونا (تكشني بصل وطماطم وشوية صلصة طماطم وتبهريها عادي كأنك تسوين كبسة، بعدين تضيفين التونا، وبعدين الرز، ولا تنسين الملح )


كفتة تونا (وهذي لذيييييييييذة جدا وتعجبني، تسلقين بطاطس وتهرسيها بالشوكة، لا تخليها مهروسة ناعم عشان لا تتفكك معاك التونا وقت القلي، المهم وتحطين عليه بيضة وتبهرينها بشوية كزبرة ناشفة وفلفل أسود وشوية ملح، وتحطي عليها علبة التونا بعد ما تصفيها من الزيت مرررررررة تمام، بعدين تشكليها أصابع ولا أقراص، وتحطيها في دقيق بعدين بيض بعدين بقسماط، واقليها، يا سلاااااااااااااام ما تشبعي منها)


صينية التونا بالتوست (تكشنين تونا عادي، ببصل وطماطم، كشنة عادية، وترصين توست بصينية وتدهنيه شوية جبنة سايلة أو قشطة، تحطين نصف الخلطة، وبعدين ترصين توست، بعدين خلطة وآخر شي توست، وتدهني الوجه (علبة قشطة + ملعقتين مايونيز + 4 ملاعق جبنة سايلة + ملح مرررة قليل + لو حبيتي فص ثوم مدقوق ناااااعم) وحطيها على الوجه، وممكن كمان تدهني فيها التوست قبل لا تحطين كشنة التونا)


ممكن تسوين لزانيا بالتونا، لذيييذة، نفس طريقة اللحم لكن بدلي اللحم بتونا


ممكن تفطرين فيها أو تتعشي (تجيبي علبة التونا وتقطعي عليها بصل صغييير وطماطم صغيييير وتحركيهم مضبوووط، وتاكليهم مع العيش) لذييييييذة


وممكن كمان زي ما قالوا مكرونة بالبشاميل بالتونا تطلع خطيرة وأكثر من رائعة



وممكن تسوين منها سنتدوتشات لذيذة (تبشري جزر وتبشري خيار (بشر مو تقطيع) وتحطي عليهم مايونيز وكاتشاب بكميات بسيطة، يعني ممكن لكل جزرة وخيارة ملعقة كاتشاب وملعقة ما يونيز، وممكن تضيفي خردل ربع ملعقة صغيرة أو على حسب ما تحبي، وتعصري عليه ليمونة صغيرة، وتخلطيهم كويس، وتحشي فيه السندوتشات، لذيذ)



والبنات ما قصروا

وإذا تذكرت شي ثاني بحطه

أموووت في شي اسمه تونا :42:

مشكووووووووره