توني أتأكد ان الحرمة تقدر تربي زوجها

موضوعي للفضفضة لا اكثر ولا اقل
لان مؤ كل الرجال تقدرين تربينهم 
وربي وربي اني أتكلم مؤ من دافع الغيرة 
لااا
الله يرزقها وويوفقها ويخليهم لبعض
لكن ما شاء الله
كييييف قدرت تقلب هالانسان في مدة بسيطة
كيف
وانا لي سبع سنين ما قدرت
حاولت بشتى الطرق 
كبيرها وصغيرها
لكن اكتشفت ان الرجال على ماعودتيه
نعم
يعني هذا اخو زوجي
حبيب وقلبه ابيض
لكنه الله يهديه ما يصلي ولا يصوم وراعي تفحيط و ماااا يجلس في البيت حياته كلها استراحة وسهر وبنات ومكالمات ومو نظيف يعني أسبوعين ما يتروش وما كان يدرس شهادته متوسط واكبر كذااااب في الرياض والله ماعمره قال شي وصدق فيه....... الخ
ورجاء انا ما كتبت الموضوع عشان تعلقون عليه الله لا يحللها ولا يبيحها اللي تهينه بكلمة وحده هالانسان كان مبتلى والله اصلح حاله كتبتها من باب الاستفادة
و ربي رزقه بوحدة شهادة بكالوريوس وبتقدم على الماجستير جميلة مؤدبة بنت عز تحبه وتحب أهله
يعني مزايا واو
لكن أمها بحرينية وما يهتمون للحجاب بس احترام لأهل البيت تغطت بجلال وتلبس نقاب في البيت
لكنها ما شاء الله زوجي حفظها من كثر ما تمر وهو جالس عشرين مليون مرة ما تقعد يا رايحة يا جاية وتلاحق ولدي يعني لو ابي زوجي يرسم جسمها رسمه لان جلالها صغير يغطي ربع الظهر
وانا مؤ غيرانة لا البنت ما تتغطى اساسا فمشيت الموضوع مع اني مقهورة لانها هي اللي تدخل في المكان اللي هو فيه
لكن يوم جا زوجها يجيب صحن الغدا وانا متغطية من الى وربي الأصبع مؤ باين مني
قالت خيير خير يالله ارجع ماله داعي تدخل عند الحريم
وانا علامة تعجب
غارت مني هههههه
مؤ مهم لانه مؤ موضوعنا
لكن هو رجع والله ولا قال ولا كلمة
الموضوع اخو زوجي تغير يا نااااس
ذاك الانسان اللي استحقره انقلب ميه وثمانين درجة
انسان راقي ومؤدب ذاك اللي ما يستحي ويتصيد شوفتي ما عاد أشوفه ولا عاد يدخل المكان اللي انا فيه
انسان ويحته ملكية البخور والطيب ودهن العود
نظييييف ثوبه يلق لق
محترم يعرف السلام والكلام
شي اسمه سهر ما يعرفه من عشر ونص نايمين و يصحون الساعة ثمانية يفطرون مع بعض
الاستراحة ايام قليلة واذا راح ساعة ورجع
والله ذاك الآدمي اللي خطبناله كم مرة ولا احد رضا فيه
صار الكل يتمناه
سبحان الله كيف قدرت كيف
الولد مؤ بس يحبها لا يعشقها يا ناس
وانا لي كمممم أحاول فيه ما نفع
سهر للفجر
حياته جوال ومكالمات
ما يحترم ما لي كلمه ابدددددد
يحب قعدات الحريم
واللي ذابحني انه ينصح اخوه بشي ما عمره سواه يا ناس
يقوله هذي زوجتك في ذمتك انتبه تزعلها او تكدر خاطرها واترك عنك السهر والحريم والله ان تتركك وتخليك 
وهو يقوله هالكلام بالجوال قلبي ينعصر عصر
ليه تناقض نفسك وانت ما سويت وولا شي من تقوله
ليش هي غالية وانا لااااا
والا عشاني تزوجت وانا في الثانوي صغيرة و هو اكبر مني بعشر سنين تحكم فيني وانا كنت ساكتة ما اعرف اردخلاص تعود على كذا
والحين اذا تكلمت قال انتي إنسانة وسخة وقليلة أدب ولسانك طويل يبيلك تربية
وانا ما قلت شي
بس عشاني ما عدت أتحمل انه يغلط علي صرت أقوله لو سمحت حدك ترى زودتها
تعبت تعبت
كلامه لاخوه وهو يوصيه عليها دخل فيني سهام الله يهديه ويسخره
وانا ما افرق عنها بشي نفس مواصفاتها اللهم اني استحي ما ارد عليه قدام أهله لانه ما يستحي يفشلني
أدعو لي ان الله بهديه ويسخره ولين قلبه علي
والله يرزق سلفتي و يوفقها والله تستأهل كل خير