توني ادري اني مشهورة حتى بقناة بداية طلعـــــت

مراااااااااحب خواتي


مدري موضوعي هنا صح ولا انقله قسم ثاني:p


المهم حبيباتي مثل هالوقت قبل 3سنين تقريبا كنت سهرانة مع بنوتتي عمرها كان 5شهور


المهم كنت اتابع قناة بداية وفيني النوم ومنتنظرة بنتي تنام


فجأة طالعت الشريــــــــط الا والقى اسمي كااااااااااااامل مكتـــــــــوب:o خير شكلي اتوهم


ويعيد الكنترول الرسالة وابقق عيوني اكــــــثر اي واللـــــــــــه اسمي واسم وحــــــــــدة من صديقات


المراهقة خل نقول لاني كنت اعرفها من اياااااااام المتوسط والثانوي بس من تخرجنا كل وحدة في


طريق صراحة استغربت هالحركة ليه سوت كذا مع اني سألت عنها كثير وقالوا تزوجت قلت ممكن


ماتبي احد من صديقاتها ومثل بعض البناااااااااات اذا تزوجت جحدت صديقاتها:(


حتى يوم تزوجت انا سبحاااااااان الله بنت حماي مأخذة حما خالتها مدري فهمتوا علي ولا


ودايم كنت اسأل ولا القى جواب فتالي قلت براحتها


بس عقب هالسنين تدورني في الفضائيات وزوجي يكره شيء اسمه قناة بداية كيف لو يعرف ان صديقات


مخفات من هالنوع وافكر كيف اوصل لها


المهم من بكرة كلمتني وحدة من الجماعــــــــة وحسيت انها ودها تقولي شيء فقالت فلانة انتي امس


ماسهرتي عند قناة بداية قلت وش فيها قاااااااالت وهي مستحية ماادري انا خواتي كنا سهرانين


وفيها وحدة مرسلة اسم عائلتها فقط واسمك كاااااااامل هههههههه وكنتوا شايلين المدرسة على روسكم


طاحوا وجهي الصراحة قلت ممكن من صديقاتي المبزرة الله يقلعهم


يعني كان اللي شفته في الشريط صدق موب كــــــــذب


طيب صديقتي العزيزة هذي مالقت الا هالطريقة اللي تنشر اسمي بها عند العالم اذا قصدها نتواصل


وفكرت اسأل بنت حماااااااي قلت سبق وسألتها وماصار شيء


بعدين قلت ليش مااتصل في 905 واخذ رقم اهلهها ممكن يكون مسجل وكان مار عالسالفة حول اسبوع


وشوي وفعلا احصله واتصل كان يوم خميس وكنت عند اهلي وترد علي بنت صغيرة


قلت فلانة عندكم قلت اي وعطتني اياها طبعا من حر مافيني جلست استهبل عليها شوي:p


ماعرفتيني تذكري ومن هنا من هنا ابد ماعرفتني قلت لها الحين<< يالدبى >>عاد هذا رمز بينا صديقاتي


تدوريني في السماء وانا في الارض وصرخت ذيك الصرخة اللي فجرت اذني فيها من فلانــــــــــة


قلت اي وهات سوالف واخذ علوم وقلت حركتك مالها داعي فشلتيني عند بنات عمي


واشوى ان زوجي كااااااان نايم وحمولتي موب حقين بداية ولا علوم بيقولون وش هالبزرة قالت عادي


عادي تقولين شايلين المدرسة ومدري وش وهم فاهمين اني هاااااااادية هههههههههه


المهم هذا الوقت كااااااانت حاااااااامل في شهورها الاخيرة وقالت اذا ولدت بتجيني في داري


وانا الصراحة انبسطت وخصوصا ان ماكان عندي صديقات لاننا افترقنا بعد الثانوي


واغلبهم حقين مصالح يعني اشحني لي اشتري لي وسوي لي <<<<<<<<<اكد على عميان الظاهر


المهم ولدت صديقتي العزيزة ولا رحت لها وعذر زوجي بيتهم بعــــــــيد كان ودي رايحة


بس موب بكيفـــــــي


وطلعت من الاربعين وجات يمي وجابت لبنتي هدايا طبعا هي ماتغيرت شكلها هو هو اللهم فتحت شوي


نفس الجسم والشخصية


بعكس انا تغيرت عليها حيل اول نحيفة وصغينونة موب راعية مكياج والحين فنانة فيه وجسمي امتلاء


شوي بحكم بعد الولادة


حسيت بعد انقطاع 8سنين انو مو هذي صديقتي المرحـــــــة موب صديقتي اللي ولا همها


المطنشة


كل سواليفها عن حمولتها ومشاكل وضيقة صدر مع انها في بيت لحالها بس دوبها دوب حمولتها


لانها سبق وسكنت معهم فترة وطلعت بس برضوا موب مرتاحة وانا فيني طبع مااحب الوحدة


تتكلم عن حمولتها خااااااااص بأشياء موب زينة يعني مرة اكلمها تقول بنتنــــــا تقصد اخت زوجها ماتصلي


ولا تركعها قلت يابنت الحلال انصحيها قالت عاد هذي وش يفيد النصح وشوي اسمع صوت زوجها:eek:


اقول زوجك فيه تقول عااااااااااادي اصلاً هو عاااااااارف ان اخته موب راعية صلاة وزوج اخته


الثانية راعي مخدرات ياويلي وكل هذا وزوجها الرخمة يسمع قفلت عالموضوع وقلت الله يهديهم


وقفلت من عندها وانا اقول رجعت لي اعز صديقاتي رجعت بطريقة غريبة وغبية بنفس الوقت


ولا هي اللي ابي يعني موب مثل اول ايااااااااام الدراسة سوالف وفله في حياتنــــــــــــا


ماعلينـــــــــــــا من احــــــــــد عايشين حياتنا


جتني كذا مرة وكل مرة تجيني تحبطني اكثر شريت شيء تقول وع وش ذا انتي مهبولة على هالماركاااااات


اصلاً تلقينه عند السقااااااااااف ابو خمسة نفسه:22: جد جد يابنااااااااااات تحطيم واقول الناااااااااس اذواق


مع ولله الحمد لبسي حلو وسااااااااتر يعني مافي اي مبالغات حتى في الاسعاااااااار


وبدت تقارن حياتي مع حياتها هنا حسيت ان خلاص مافي اي توافق بينا حاولت يمين يسار ابد


مافي اي فايدة


بعدين انقطعت فجأة عني بدون اسباب اكلم عالثابت ماترد والجوال ماعندها تقول موب مهم وانتي


راعية مظاهر المهم كلمت بيت اهلها قااااااااالت انها راح ترجع تعيش عند حمولتها


قلت كيف انتي000000 ماادري وش اقول انصدمت قالت بالعكس عشان زوجي يجمع ونبني بيت


وهم حمولتها تقصد طيبين وفيهم دين استغربت هالتغيير المفأجى وقلت الحمد لله رجعت لعقلها


واختفت 8شهووووووووور تخيلوا يابناااااااات 8شهور وانا احاول اكلمها اهلها تصريف


زوجها يصرف اذا كلمت عالثابت تيلفون غرفتها ماادري وش السالفة بس كنت ابغى اتطمئن عليها


وبعد 8شهور تنازلت وردت علي قالت ظروف وان ام زوجها توفت الله يرحمها فعذرتها الصراحة


وقلت لازم اشوفك قالت اوكي وبعدين حملت وحبيت ابشرها لان كنت تعبانة واعاني وهي عارفة قلت


لازم تعرف موضوع حملي مع ان توي محللة بس صديقتي الوحيدة ولازم اقولها ويوم عرفت قالت


ايه زين الله يثبته بنفس شينة


وانقطعت من جديد حاولت كثير اكلمها بس مافي اي فايدة ولدت بشرت امها قلت قولي فلانة ولدت وجابت


ولد قالت ابد ولا يهمك


ولين يومكم وهي لا حس ولا خبر واخر مرة من شهرين اتصلت وردت اختها ونفس الشيء طنااااااااااش


وعمر ولدي 7 شهور ولا جاتني ولا تحمدت لي بالسلامة


وسمعت من وحدة تقرب لها ان صارت لها مشاااااااكل وطلعت مرة ثانية عن حمولتها مع ان بيت


حمولتها استغفر الله اللي كانت مستقعدة لها خالتها وماااااااااتت الله يرحمها فمافي غير سلفاتها


مدري ارجع ادورها ولا اطنشها مثل ماطنشتني


بتقولون ليش هالحكي كله











اقولكم تكرر السيناريو للمرة الثانية كنت اسولف مع بنت اختــــــــي عالمسن من حوالي اسبــــــــوع


وقالت خالتي قلت سمي قالت وش الدنيا في صديقتك فلانـــــــــــة قلت يوووووووووه طلعتي غبار


وش ذكرك فيها هي تقصد وحدة من صديقات الطفــــــــــولـــــــــة يعني يوم كنت بالابتدائي:o


قالت والله ياخالتي شايفـــــــــــــة وحـــــــــــدة في قناة بدايـــــــــــة تقول من تعـــــــــرف فلانة الفلاني


ياويلي قلت من جدك قالت والله العظيم ولا كاتبة تفاصيل يبين انها من صديقات الطفولة


انا طفولتي في السويــــــــدي ومراهقتي في الشماااااااااال:p <<<جابت العيـــــــــد>>>


المهم يابنااااااااات انا فكرت في صديقتي مرة عزيزة علي بس تزوجت وعمرها 16 وجحدتنا


واقول معقول اهي لان مافي احد يعرف هالتفاصيل اللي كاتبتها الا هي


وصرت اكره قناة بداااااااااية واللي يحط عليها معقولة يستهينون بأسم العوايل وكل وحدة تسوي نداء


كنه شااااااااات ابوهم حتى لو هم صديقاتي من سمح لهم بهالتصرفاااااااااات احس انهم بايخات حيل


وياليت على هالخبال اللي يسوونه انهم ميتين يبون صداقتي وحدة شكاية والثانية مدري وش ورائها


انتم يااااااااابناااااااااااات لو صااااااااار لكم نفس الشيء وش ردة فعلكم احس اني مقهورة حيل حيل


من هاالمراهقات اللي ماسووا حشيمة لي ولا سمي وافضحوني بين العربان>>>>>>>>>قوية شوي


قولي لي رأيكم يهمني بناااااااااااات


والرجاء عدم الاستهزاء بي بس ذا الموضوع شوي فاقع مرارتي


ومستغربة ليش سووا كذا:angry2:


يابناااااااات انا مو اعتراضي على الاسم ولو ان لي تحفظ عليه


انا اعتراضي تطلع تدورني بين فضائياااااااات وبأسمي واسم ابوي وجدي والعايلة


واي مدرسة ودفعة كم تخرجنا وهي كاتبــــــــــــة اسم عايلتها فقط يعني مراعيه اسمها


ولا تبـــــــــي احـــــــــــد يعرفهــــــــــا لكن انا عااااااااااادي تقول تفاصيــــــــــل عني


وحتى يوم رجعت لي نسيت موضوع قنااااااااة بداااااااااية وكيف الطريقة اللي رجعنا فيها


مع انها تقدر تجيب عني تفاصيل بأي طريقة غير هذي


وعديتها لكن انها عقب هالزحمـــــــــة تجحدني ولكني صديقة واحنا كنا عشرة عمر


وصداقتنا سنين ومخلصة لها وحتى هي مااظلمها مخلصة لي تتغير كذا وتظهر في حياتي


فجأة وتختفي فجأة صعبة حيل وياليتها خلت صداقتنا الاولى على ذكراها على الاقل كنت


اكن لها احترام وتقدير واذكرها بالخير


بعكس لما رجعت لي تركت لي جرح عمره مايلتم جرح ينزف


احتجتها في اصعب اوقاتي مرضي وحملي ماكنت معي


عكس هي لما احتاجت لي وهي مشاكلها اعتبرها بسيطة بحكم زعل حمولة


مو تعب ومرض كنت اوقف معها واصبرها وان كل الناس عندهم مشاكل


واهم شيء زوجك يحبك وحمولتك مقدور عليهم ان شاالله


كنت احاول اغير الموضوع بشيء يفرفش نفس ايامنا قبل بالدراسة ماخذين الدنيا


وناسة الظاهر مايعجبها هالاسلوب عشان كذا تركتني


ياليتك ماارسلتي للقناة وياليت مادورتك ولقيتك وياليت وياليت


كنت اشيل بقلبي ذكريااااااااات حلوة عن صداقتنا اما الحين لا


بس ياليت ماتنفع الحين


واللي تقولي من البنااااااااات تخيلي تتابعك الحين اقولها ودي على اقل


ماكتبت اسمها وبنت من واي حي حتى لو على قولتكم ان الاسم عادي مو عورة


بس ماابي تبين شخصيتها ما اقول الا الله يسامحك ويهديك


وانا عايشة بك ولا بدونك وعيالي وزوجي واهلي عندي بالدنيا


صح فقدتك وفقدت صداقتنا بس ماجاء كاااااااااافي


الله يسامحها يارب ويسامحني كنت غلطت عليها


وآسفة بناااااااااات مااحد حااااااااس فيني الا اللي انجرحت من صديقة وتركتها بلا سبب مقنع


والله لا يحطكم بهالموقف يااااااااااربـــــــــ