توني اصدق الاقارب عقارب.......حلوها مشكلتي يابنات الله يجزاكم عني كل خير

السلام عليكم يابنات عالم حواء ......
تصدقون ماكنت متصوره اني يوم اكتب مشكله لي لاني احاول ابعد عن اي مشكله

المهم يابنات البارح سيرت علىبيت خالتي اخت امي وقعدت مع بناتها لانها طلعت معزومة وقعدنا بس
احنا البنات 3 من بناتها وانا واختي وكلام يسحب كلام الا قاموا بنات خالتي وجابو طاري اختهم الرابعه طبعااختهم في ب يت زوجها مو موجوده معنا وقالة انها ماذيتهم هم وامهم وانها وانها ..........
خبركم مابقى شي ماقالوة فيها وانا طبعا انا واختي نهدي فيهم انها مسكينه اختكم حامل نفسيتها حامل وانها تحبكم وتبي الزين لكم وماتقصد ومالكم بد عن بعض الاتنط بنت خالتي الكبيره وتقول حتى انتي ياراجية تقول عنك قدام امها انك تحرضينا نقطع خالتي اللي اسمها مثلا (ر) اخت امهم انا لحظتها فار دمي وماتحملت تشوه صورتي خصوصا قدام خالتي الثانيه (ر) خصوصا اني اعزها المرة المهم طلعت من بيتهم وطوالي كلمت خالتي (ر)ع الجوال وقلتها يافلانه شفتي البنات الله يهديهم يقولون ان اختهم
تقول اني انا اقول لهم اقطعوا خالتنا (ر) انا الزم ماعلي انه من معزتك اخاف يجيك الكلام يوم من الايام
ان قلت كذا وانا كل اللي قلته لهم وقدام امي انة بيت خالتي ام البنات سيري علي في اي حزة عين طاء وعين فراش كلموني وتعالوا لي في اي وقت انتم كلموني لاني انا ماقدر اعزمكم واخلي خالتي (ر)
وجدتي وحريم خوالي تصير رسميه ....... يعني وضحت موقفي بالكامل
المهم انتهى الموقف على كذا نمت امان الله خصوصا ان خالتي (ر) دايم يقولون عنها ماتطلع الكلام
وماتحب المشاكل صحيت اليوم على اتصالات بنت خالتي الرابعه الا تقولي راجية انتي قلت لخالتي (ر)
كيت كيت طبعا انا دارت فيني الارض وشلون تنكبني خالتي (ر)اللي نخيتها وشديت الصدر فيها وتوقعتها مثل امي انا مانكرت قلت لها انة انا اية قلت لخالتي ر الموضوع بس تريني ماذكرت لها اسماء
وانه خواتك ماقالوو عنك الا كل خير ولاجابوا طاريك باي شي قالت بنت خالتي انا ابى اواجهك بخالتي
وانتهت المكالمه رحت كلمت خالتي و قتلها الله يهديك وهقتيني معاهم قالت لي انا ماني ميته على يتك ولا على بيت بنت خالتك اذا ماتبوني مو ميته على بيوتكم وتوقعت اي شي الا انك ياراجيه تكذبين الكلام وطلعت انا يا خالتك كذابة عند بنت اختي وامها قتلها الحين انا كلمتك من دونهم بس لمعزتك تتوقعين اني اكذب عليك وش المطلوب قالت المطلوب تقولين قدام اختي وبنتها انه انتي ذكرتي اسمااهم قتلها اوكي ابشري بطلعك من الموضوع وانا استاهل ......
الحين يابنات انامابغيت لهم الشرولا بنت خالتي تنضر اللي قالت لي الكلام ولا اختها تزعل عليهم وقلت ماجابو ا طاريك راعيت خواطر الكل بس جت على راسي الحيت اختهم الرابعه تدق علي وانا مارديت وخالتي ر طلعت من الموضوع وتنتظر مني اطلعها واعترف بالسالفه كلهم وانا مقهوره حسيت اني بثوارتي جت كل السالفه على راسي انتم وش رايكم وش اسوي ودي ينقطع الموضوع س بنت خالتي الرابعه وخالتي ر ماراح يسكتون ........