توني جاية من عزيمة اخت زوجي و دموعي اربع اربع

السلام عليكم اخواتي بنات عالم حواء
صراحة ماادري ليه حسيت ان مافي احد اشكي له الا انتم
فياليت تستقبلون شكوتي بصدر رحب وتواسوني لاني تعباااااااااااانة
انا متزوجة وعندي بنت عمرها اربع سنوات ونص وولد عمره سنة واربع شهور
وانا كنت مخططة اني ما احمل الا بعد اربع سنوات
لان بنتي تدرس روضة الصبح وانا ساكنة عند اهل زوجي واطبخ لهم يوم ايه ويوم لا
وادرس انتساب وولدي الله يهديه لازم له وحده لحاله تراقبه
زوجي مشغول لانه يدرس العصر ولا يطلع الا الساعة 11 في الليل ثم يروح الاستراحة ولا يجي الا الفجر
يعني بالعربي ما يشوف عياله الاساعة وحدة في اليوم اللي هو وقت الغداء
وقدر الله علي اني تركت الحبوب ماادري وش اسميه خبال هبال رجة
انا وصيت ابو الشباب يجيب لي ونسى ونسيت وبعد كم يوم ذكرتها فقلت شهر ما تضر ان تركتها
وما يصلح اكلها وانا قد مر علي كم من يوم الدورة
المهم حملت:44:
ياناس ما تدرون عن صدمتي يوم حللت في البيت وطلعت حامل صحت وقمت انتفض واقوله انا ما اقدر
وربي مااقدر على هالمسؤولية بيت واولاد وزوج ونفسي واهله
وللمعلومية انا عمري بس 23 سنة
قام يواسيني وقال ولا يهمك بجيب لك خدامة

بنتي هذي زي النسمة ماشاء الله لااله الا الله يعني حبيبة وفي حالها
الموووووووووووووت اخوها ياناس ما يقعد يرفع الضغط
يعني ما يمديني ادخل دورة المياه واطلع الا عافس الدنيا فوق تحت
ما عندي الا غرفتين وحمام
الثلاجة ملزقة بشطرطون لان حضرته يفك الموية والحليب والعصير والزبادي ويكبها يعني ياليته ياكل لا يكب!!!!
هذا غير غرفة نومي مربطة الدرجة بمعاليق مو حبال بس
ويتكلم كلام وسخ ويمد يده على الاطفال ويسب الكبار ويكش ويتفل والله اني اقول هالكلام وانا متفشلة لكن ماالومه نفس طبايع اخوان زوجي

والعادة اذا انعزمت حطيته عند امي ورحت لكني ما اتهنا تدق امي علي كل ساعة متى بتجين يعني مسكينة ماعندها خدامة ويالله يالله تقوم بنفسها
فقلت باخذه معي بيت اخت زوجي وطلعت عازمة ام زوجها وخواته وحريم اخوانه
ولدي المصون ضرب عيالهم سحب طرحات الحريم قطع شعر البنات كب البيبسي والقهوة وسب الحريم :09:
الحلا يركض ويدوسه برجله وينحاش وانا مااقدر امسكه بسم الله عليه قوي وانا حامل ومهدودة منه بصراحة
فشلني ياناس فشلني
صار اليوم حديث المجلس ولدك وولدك وولدك وياقايمة وياقاعدة وماسكة فيه وياضاربه
حتى العشا ما تهنيت فيه
وكل يقول الله يعينك هذا الولد اعوذ بالله ما ريحك
مانلومك اذا ما جبتيه
وانا خانقتني العبره من جد شكلي يفشل يعني بطني شكبره و الاحقه
تفشلت يانااااااااااااس تفشلت
وهم كل وحده قاعده وعيالها عندهم الخدم
وزوجي الى يومي هذا ماقدم ولا سوا شي ماادري متى بيقدم لي
واسوني تكفوووووووووون
والله تفشلت