عطر_فواح
عطر_فواح
عاشقة الود حاضرين والله يسلمج من الشر ديالا العز أنا مثل ماقلت رحت بوكيت وبانكوك فرحلة بانكوك كانت للتسوق لكن للأسف الوقت قصير وماكفانا يومين وأنا مسنترة في أم بي كي مول ولا خلصته!! بس أنا همي في السوق هو الشنط الكوبي دبل زيرو لآن الأصلي غااااااااالي :06: كنت أسمع عن محل فريدة لكن فيه تايلندي نصحني بمحل جوجو وقال إنها تفوقت على فريدة وأنا قريت عن محل جوجو قبل السفر لكن ماتوقعت إني أوصل له وأشتري منه شنط هالقد وبما إنها كوبي زيرو ودبل زيرو كانت غالية نوعاً ما أسعارهم تبتدي بـ 60 ألف إلى 120 ألف بات بس والله يستاهلون تحسينهم كوالتي ممتاز مب أي كلام فيه مجمعات تسوق وايد مثل باتونام وطوكيو سنتر وسيام باراغون و و و و بس مثل ماقلت لج الوقت كان قصير وداركنا لذا ماشريت إلا شنط وتيشيرتات وأبواك رجالية جلود طبيعية التيشيرتات كانت رخيصة مابين 1000 إلى 4000 بات إي ونسيت أقول لج أخذت بعد كرمج الله شباشب للبيت وباقي المشتريات كانت تناتيش بسيطة صوابين بنكهات مع ليفتهم وألعاب خذوها عيالي الله يحفظهم بنت دبي والله ياختي بصراحة تايلند ماحبها قلبي كثر ماليزيا مع إني أول مرة أزورها وماليزيا رحتها 3 مرات فراشة حنطية شاقول لج والله أنا عن نفسي مارتحت فيها يمكن الظروف كانت ضدي أول شي رحت بوكيت من كثر ما أسمع عنها والكل يمدحها لقيتها مناسبة للعرسان والشباب وماتناسبنا حنا كعائلة خليجية محافظة التعري منتشر بشكل لا يصدق لدرجة إنهم كان يطالعوني بنص عين الأمريكان والأوربيين جفتهم هناك أكثر من التايلنديين نفسهم وطبعاً شبه مفاصيخ الوناسة في بوكيت كانت في البحر والأنشطة البحرية بس أنا بحجابي ماقدرت أستمتع بهالنشاطات عشان جذي حسيتها أنسب للشباب أما بالنسبة للعرسان ففيها منتجعات حلوة وأعتقد بمسابح خاصة والشي اللي مااااااااايتفوت فيها هو الفنتازي شو أتعب وأنا أقول راااااااااااااااااااائع واليهال طارو من الفرحة هناك غير ذي عانيت من مشكلة الأكل الحلال اللي كنا نلاقيه بصعوبة ومضطرين نشتريه غالي حتى الفاست فود نادراً ماتلاقينه حلال الفندق اللي سكنته في بوكيت كان الملينيوم اللي إسمه أكبر منه ومافيه زود غير إنه ملاصق لمجمع الجنكسيلون وهالمجمع مافيه أي متعة على قد المحلات والكافيهات اللي فيه بس مثل ماذكرت قبل التعري كان منتشر والأكل الحلال نااااادر بتقولين فرصة تتسوقين هناك أقول لج لا لأن التسوق الصح في بانكوك وأرخص بعد من بوكيت اللي تعتبر سياحية بالدرجة الأولى مارحت رحلات بحرية لأني ماحبها ولآن عيالي معاي بيتعبون إذا وديتهم البحر بالساعات في مركب لجزيرة مافيها أي متعة بالنسبة لأطفال كانو يبون يركبون الباراشوت والجيتسكي والبنانا بس ماخليتهم خفت عليهم الصراحة من حوادث البحر لذا حتى اليهال تمللو هناك شعبهم حبوب وودود في التعامل مع السواح من كثر ماتعودو عليهم بس الأمريكان الأروبيين كانو العنصر الطاغي هناك!! بالنسبة للجو كان حار رطب حالها حال دول جنوب شرق آسيا وأعتقد حر ماليزيا ألطف نوعاً ما أما بالنسبة للميزانية أنا دايماً أقول الميزانية حسب الصرف والرغبة لأني صرفت وايد على الشوبنغ والأكل العربي الحلال وفي ناس تصرف النص أو أكثر أو أقل عندهم السي فود رخيص ومتوفر ويمدحونه بس أنا واليهال الله يديم النعمة مانحبه ولا ناكله كلش دانة وبنت المماليح ومرجوجة أنا سمعت إنها ممنوعة على السعوديين بس أنا مب سعودية أنا بحرينية حتى النخاااااااااااااااااااع والسعودية وأهلها الطيبين على راسي كراميل الله يسلمج من الشر أختي ملامح شكراً على المرور والإفادة أختي العزيزة
عاشقة الود حاضرين والله يسلمج من الشر ديالا العز أنا مثل ماقلت رحت بوكيت وبانكوك...
إسمحو لي على التأخير في الرد

كتبت الموضوع الخميس في الشغل

الجمعة والسبت إجازة

وأنا توني منتقلة بيتي اليديد ومالحقت أركب فيه نت

ومن داومت دخلت لكم على طول
عنعوده
عنعوده
إسمحو لي على التأخير في الرد كتبت الموضوع الخميس في الشغل الجمعة والسبت إجازة وأنا توني منتقلة بيتي اليديد ومالحقت أركب فيه نت ومن داومت دخلت لكم على طول
إسمحو لي على التأخير في الرد كتبت الموضوع الخميس في الشغل الجمعة والسبت إجازة وأنا توني...
لو سمحتي فيه حريم كثير يلبسو على الراس بماليزيا
عطر_فواح
عطر_فواح
لو سمحتي فيه حريم كثير يلبسو على الراس بماليزيا
لو سمحتي فيه حريم كثير يلبسو على الراس بماليزيا
والله ياختي جفت خليجيات وايد عادي بعباياتهم وحجاباتهم وحتى بالنقاب لكن عباية راس ماجفت

في نظري إنه متعبة ومب عملية في السفر وعباية الكتف تغني
~دااانه~
~دااانه~
mlam7 mlam7 :
..~ ممكن السعوديه تروح بس عن ترانزيت علا ابوظبي وحتي التاشيره هناك.. ولم ترجعين تدفعين ظريبه او شي مثل هالقبيل اعتقد انها ٥٠٠ ريال.. بس متاكده الروحه من ابو ظبي،، ممنوعه لان في وقت ال٩٠ في ظابط تايلندي متورط بجريمه قتل لشخصيه دبلوماسيه وهي مشكله دول،، يعني السعودي يروح لعا مسؤليته الكامله.. انا ودي اروح بس الخوف ذبحني لازم اتعلم كونفو او كارتيه ههههههههههه من خاف سلم..~
..~ ممكن السعوديه تروح بس عن ترانزيت علا ابوظبي وحتي التاشيره هناك.. ولم ترجعين تدفعين ظريبه او...
لاىاقلبي انتبهي ديري بالك
حتى لو رحتي عن طريق اي طيران غير السعودي
برضو ممنوعين السعوديين من السفر لها
مجرد الختم عالجواز السعودي هذا بيسبب مشكلة وفيها سجن وغرامه ومنع من السفر نهائيا
شوفي موضوعي بهالقسم كاتبة تجربتنا وايش صار مع الحوازات السعودية
دارين2007
دارين2007
بصراحة تايلندا من اجمل الدول الى زرتها
وبالنسبة لفنادقها جدا جدا رائعة وبلد رخيصة والمطاعم الحلال موجودة بكثرة
بس شكلك حبيبتي ما عرفتيلها مضبوط انا زرتها 6 مرات
حابة اقول معلومة انا سعودية وزرت تايلندا 6 مرات وعند تجديد الجواز دوري اي واسطة يسويلك الجواز
وانا جددت جواز الشهر الى فات بواسطة واخذ مبلغ على الجوازات والحمد لله استلمته تاني يوم من غير اي تحقيق وناوية السنة اروحها كمااان