توني شفت شي ضايقني طير النوم من عيني 😭😭

يابنات انا جيت افضفض
نفسي اعرف ليييييش في ناس مايحبوا يشوفوا ابنهم سعيد ومرتاح بحياته
ليش يحاولوا يخربوا حياته وحيات زوجته طالما ماضرتهم


يابنات ابن عمي تزوج قبل يومين طلق زوجته واتزوج وحده ثانيه وكانوا اول اهل زوجي يسالوه ليش طلقها وتزوج وحرام ومدري ايش
واول قالي زوجي اشحني جوالي قبل ماتنامي حطيه فالشاحن لان هو ينام بدري عشان الدوام
اجيت بشحنه شفت رسائل من غير مافتح الجوال يظهر ع الشاشه
كاتبين عقبال فلان نشوفه عرييس
قصدهم زوجي انا صراحه انقهرت


انا قبل شهوور شفت كلام خواته عني وسبوني وقذفوني وقذفوا امي انهرت وعصبت عليه واعتذرلي واتاسفلي انا زعلت لانه مارد عليهم قال والله مارديت عشان ماكبر المشكله ويزيدوا يسبوا بس انا ضليت زعلانه منه قعدت اسبوع كامل وكل يوم يحاول يراضيني لين رضيت وانا قلبي مجروح منه وبعد ماتصالحنا بيومين شفته يتراسل مع اخته واحنا بالسياره نزل يشتري لبنته عصير وانا فتحت الجوال على رسائلها وتقوله روح اتزوج وش تبغا فيها هذي وهو يغالط بكلام وترجع تقوله يلا اتزوج هيا وش قلت نخطبلك وهو يقول ايوه ويضحك يمشيها ع قد عقلها وانا فتحت على هذا الكلام وماتحملت لاني عصبيييه من قهري رديت عليها رد جاااارح هو زوجي اصغر منهم بكثييير واخته هذي عمرها 38 ولسا ماتزوجت ولا وحده من خواتها تزوجوا


وانا قلتلها تحلموا حلم انه يتزوج مرتاح ومبسوط معايا واتحداكي تزوجيه وقالت وانا اوعدك ازوجه قلتلها اتحداك اول شي زوجي نفسك بعدين زوجي اخوك الصغير الحمدلله انا جميله وعندي بنت والثاني بالطريق ويحبني وين بيلاقي احسن من كذا وزوجي اجا اخذ مني الجوال واتصايحنا وانا انهرت وطول الطريق نتصايح وصلني البيت وطلع ولما رجع حلف يمين انه مايبي يتزوج ولا يبي غيري وانه يمشيها ع قد عقلها
يابنات انا لاضريتهم ولا منعت اخوهم عنهم ولا حرضته عليهم وكافيه خيري وشري عنهم
لما جوا يخطبوني اهلي رفضوا وهم حاولوا وحاولوا عشان ياخذوني والان يحاولوا يخربوا بيتي
ليييش يسووا فيني كذا

والله ان انا وزوجي ماشاء الله متفاهميييين ويحبني وانا قلتله من قبل اذا بتتزوج طلقني قال انا مستحيل اتزوج وزوجي من النوع رحيم مايحب يزعلني ابدا ولا يحب يزعل اي انسان وانا وااااثقه 100% انه مستحيل يتزوج
بس كلامهم يقهرني طالما اني ماضريتهم لييييش كذا يسووا فيني حسبي الله ونعم الوكيل في كل من يحاول يهدم ويخرب حياة زوجين 💔💔