توني طالعة من مشكلة و أبكي بحرقة ساعدوني

بنات الله يسعدكم قولولي رايكم بمشكلتي..
أنا بأعترف على نفسي إني إنسانة فوضوية يعني ما أعرف أعيش بترتيب و أغراضي دائما منثرة و دائما ألاقي كلام تهزيء
بس أبلعه لأني أنا الغلطانة و أحاول أعدل الأمور..
المهم ...أحكي لكم قصتي من البداية و هي إن أبوي إنسان قاسي و ظالم لدرجة إنه لما سافر الصيفية الماضية جانا في الليلة اللي بيسافر فيها و قال لي أنا و أختي أبغى أقفل البيت روحوا شوفو لكم مكان تعيشون فيه طبعا القصة لها تفصيلات ما تتخيلونها بس مو هنا الحكاية .الحكاية إني فعلا رحت أنا و أختي و عشنا عند أخواتي مع عيالهم و في نفسي كسرة شلون أعيش برى بيت أبوي بس الحمد لله على كل حال .المهم عشنا مع أخواتي على قلب واحد و همنا من همهم و أحاول إني ما أصير ثقيلة عليهم لا بنفسي ولا بطلباتي . و أي حاجة تساعدهم أحاول أسعى إني أقربها لهم حتى إني خليت وحده من صديقاتي زوجها صاحب عقار تدور لهم على بيت يناسبهم و شرحت لها ظروفهم مع إني أبدا ما أحب أطلع أي حاجة عن نفسي وحياتي لأني كتوووووووووووووووووووووومة بس قلت يمكن تقدر تساعدهم.
المهم من فترة أحس إن في نفس خواتي شي علي بس قلت يمكن من كثر مشاغلهم و غيره من التبريرات.حتى صار يوم الثلاثاء و أنا رايحه الدوام في الصباح غليت لي كوب نسكافية و انسكب على الفرن و بما إن الوقت ضيق صبيت عليه مويه عشان ماييبس و قلت لما أرجع أنظفه.و لما رجعت من الدوام ما تتخيلون أنوااااااااااااااااااااااااااااااااع التهزيء و الصراخ قلت لهم خلاص بأنظفه الآن و لافي فايدة و تخيلو بنات هذا كله قدام العيال اللي أنا مسوية نفسي صديقتهم و الناصحة لهم.
المهم رديت شوي بس بكل أدب و رحت عنهم . و اليوم تخيلوا لقيتهم جالسين بالصالة و نادتني أختي الكبيرة و قالت لي إنتي سددتي فاتورة التليفون قلت لها إيوه و ين المشكلة قالت أنا حالفة ماتسددينها و أصلا الخط راح نقطعه.قلت لها هذا مشاركة مني في البيت بس ما أقصد فيها شيء إلا وتجمعوا الباقيات و قالوا بصراحة خلونا نطلع اللي في خاطرنا قلت طيب قالو: الوضع مو عاجبنا ،، و اللي فينا كافينا و انتي أصلا مو معبرة أحد و....و....و... !!!!!!!!!!!!!!!!!!!
قلت طيب إيش اللي صار؟؟؟ قالو لي ملابسك دايما مثرة!!!و فرشاتك على المغسلة!!!و الإستشوار دايما مرمي!!!و....و...!!!!
طبعا أنصدمت بقووووووووووووة قلت لهم أنا صحيح غلطانة بس انتو تعرفون إني من يومي فوضوية!!!بس أنا ما أقصد شي من اللي قلتوا؟ قالت لي أختي الكبيرة أصلا إنتي داااااائما تعتبرينا ولا شي و أهم شيء عندك نفسك و ما تحبين أحد يخترق عليك برنامجك؟؟؟
قلت لهم واللله ما قصد من هذا شيء و إذا هذي فكرتكم عني فمصيييييييييييييييييييبة كبيرة !!!! طيب ليش تفسرون السلوك بأمور غريبة كذا كون إني فوضوية و هذا خطأ مو معناته اللي قلتو؟؟ حرام عليكم؟؟
قالو إحنا ساكتين عنك من زماااااااااااااااااااااااااااااااان بس خلاص ما راح نقدر نتحمل أكثر؟؟ و إذا ما تعدل الوضع عندك فتحملي اللي بيجيك ومن هالكلام اللي يخلي كل علاقة ثقة و حب بيني و بينهم تنهاااااااااااااااااااااااااااااااااار..
المصيبة أن أختي الثانية اللي ظروفها مثل ظرفي واقفة معاهم و ضدي و تزيد الطين بله و تهاوش معهم و أنا أقول لها خليك محضر خير و هي أبد اللي تقدر تزيد فيه تزيد.و أنا كل ما صار مشكلة تخصها حتى لو ماتدري أحاول إني أداريها و الا أقول لها بيني و بينها من غير ما يسمعون اخواتي عشان ما أطيحها في مشكلة معاهم.مع إنها مثلي من النوع الفوضوي و أغراضها دايما مرمية بس أنا يشوفوني كذا و لما قلت لهم طيب حتى هي ليش أنا بس قالو إحنا كلمناها قلت طيب ليش ما كلمتوني مثل ما كلمتوها ليش أنا بس لي هذا الاجتماع و القلق قالو خلا بس انتي تفسرين الامور بكيفك .
في نهاية النقاش العقيم اللي ما ولد في نفسي الا الكره لأخواتي كلهم و الصدمة من هذا العالم الغريب اللي ماني قادره أتأقلم مع أفكارة و تفسيراته الشريرة . قلت لهم و أنا أصيييييييييييييييييييح و ماني قادرة أوقف دموعي من القهرررررررررررررر أنا ما أقدر إني أترجم مشاعري تجاهكم من الحب و التقدير لكن عمري ما حاولت إني أبين لكم إنكم مو مهمين عندي أصلا إنتو الوحيدين اللي لي في هالدنيا بعد ما طردنا أبوي و تخلي أخواني عنا لكن تأكدو إننا إذا استمرينا كل واحد يفكر في الثاني بهالطريقة إننا في النهاية كل واحد منا بيصير بطريق و الثاني بطريق.
والله يا بنات إني ما أتمنى لهم إلا كل خير بس أنا إنسانة فوضويو ما أعرف التنظيم بس مو لدرجة القذارة و العفسة الكبيرة يعني ماااااااااااااااااا أدري أحس الموضوع ما يستحق كل اللي صار!!!!!!!!!!!!
إيش رايكم بالله دلوني و شوروا علي محتاجتكم بقووووووووووووووووووووووووة,
وأنا قاعدة أفكر إني أرجع لبيت أبوي بالرغم من ظلمه لنه ممكن يحرمني من الدوام أو يقفل علي الباب بدون أكل و لا ماء و هو فعلا سواها مرة زو خلانا 11 يوم على هالحالة و لا أحد ساعدنا لين هو قرر يسافر فاضطر إنه يخرجنا لبيت خواتي
مو لأنه أهون علي بس لأني خايفة أفقد الناس الوحيدين اللي حبيتهم في هالدنيا بعد ما كرهت كل اللي أعرفهم.
أقول خليني أعيش بمرارة ظلم و لا أعيش مرارة خوف من فقد الحب الوحيد في هالحياة السودا . وكيف أخلي موقفي مع أخواتي بعد النقاش ؟؟؟ هل أرجع عادي !!! و الا أبين إنهم ضايقوني؟؟؟ماني عارفة كيف أنهي الأمر و بصراحة صرت أكره القعده معاهم.
أنتظر كم