توني عرفت ان مالي قدر عندك

السلام عليكم
خواتي حبيت أستشيركم في شغلة
انا إنسانة متزوجة من 8 سنوات وساكنة مع أهل زوجي لي غرفتين ودورة مياه واحدة بس مع ان زوجي دافع نص مبلغ البيت من جيبه  
عندي 3 أطفال 2 منهم يدرسون الحمدلله
زوجي مرفه نفسه الظهر دوام والعصر نادي والليل استراحة للفجر
طبعا هذا نظامه من يومه في متوسط يعني زعلت رضيت صكيت راسي بالجدار ما في أمل يتغير 
وبكذا رضيت بواقعي المرير....
* خصوصا مع تربية 3 أطفال يكتسبون عادات من اللي حولهم بحكم اني في نفس بيت أهل زوجي مع تعب تدريسهم وتحفيظهم القران وكمان جامعتي لآني منتسبة
مرت 8 سنين احمد ربي كل صباح ان ما جاني ضغط او سكر لآني أبد أبد أبد مو مرتاحة خصوصا ان مالي بيت خاص
بتقولون ليه ما طلعتي في شقة
لآني يا بنات انغشيت في زوج كل يوم يقول اسمي بيطلع في البنك لدرجة ان يوم ملكتي قالي 
تبين زواج وقصر والا تسافرين برا والباقي اشتري لك ارض
قلت لا والله يا زوجي سعادتنا اهم واللي بصرفه لغيري انا وانت احق فيه
وكان وقتها على قد حاله 
النتيجة لا سفرة سفرني ما أنكر انه شرا الارض بس الصدمة حطها باسمه!!!!!!!! 
سكين نغز قلبي انت قلت الارض باسمي 
في الأخير حطه ًا باسمه واللي تقولي من الأهل ما صرفها في عرسك بيصرفها في عرس غيرك وكلام كثييييير يسم البدن ومشيتها لانه يقول بقدمها على البنك العقاري عشان اشتري لك بيت بعد سنه

الحين رافض انه يشتري بيت أجار مع ان راتبه ما شاء الله فوق 10 آلاف هذا غير خارج الدوام 
مرت 8 سنوات وانا على حالي انتظر بيت الأحلام
وانا كل ليل دمعتي بحر على مخدتي
الآرض شريتها ب 20 الف بس وقبل سنة وصلت 280 الف وكنت فرحانه فيها مع انها ماهي لي.
قبل اسبوع نزل من سعرها 80 الف مرة واحدة 
لان العقار بينزل
انا ما نئ قادرة أتحمل ان ثمن صبري كل هالسنين يروح هباء منثورا
كلمته قبل ساعة قلت يا زوجي ارضنا بيعها و اترك فلوسها في البنك لين يطلع اسمك 
قال انسي 
ارضي ما راح ابيعها
قلت له طيب حرام سعرها بينزل كثير
رد علي بكل برود : أحسن و ازيدك من الشعر بيت بتنزل لين تصير 10 آلاف بس ماني بايع
انا هنا شبيت نار قلت ليه ليه ليه ما تبيها انا ابيها دامك راضي بالعشرة أعطيك العشرة آلاف وعطني ارضي 
سكر السماعة
انا يا بنات بتجيني جلللللطة 
قلبي يغلي
ما تشوفون فرحتي لا قالوا سعرها ارتفع ووصل 300 الف ما شاء الله 
في ذمته 3 أطفال ما أمن اهم المسكن ولا سيارة وفلوس ولااااااا شي راتبه ينزل يصرفه علي وعلى أهله ونقعد حتى الذهب مو عندي
حسبنا الله ونعم الوكيل
قراري بعد هذا كله ما راح ارضى عليه الا بفلوس ارضي 200 الف كاملة وهو حضرته يأخذ 10 آلاف اللي يبيها
شوروا علي شلون اخليه يبيعها 
الله يفرج همكم