الله يعينك

والله انقهرت انا
شو يعني والله مكبره السالفه
شو يعني عادي اخدمي زوجك مافيها شي اجرك عند الله وتكسبيه ويحبك اكتر
دلعيه مو حرام

شكله بيبدا معاكي بالقوة ولا اش اللي يخليه يسوي كذا تدلعه مو امور وبالكلام الحلو مو كذا واللي تقول عادي وبعدين يمل والله لو سكتي له ليزيد وبعدين تجين تشكين انك سكتي من البدايه ... وبصراحة قرف كيف يغسل في طشت وكيف ينظف اسنانه ويشطف في الاخر والله شي يقرف لاتسكتين. على كذا انا مااحرضك بس احس حركته مره بايخه

قولي له حبيبي .. المغسلة قريبة مايبغالها مشوار بالسيارة .. قوم اتلحلح وغسل يدينك
ولمن تبغى تشرب برضه المطبخ قريب .. اشرب مويتك وجيب لي معاك لو سمحت
خييييييييييييييييرررر!!!
عايش دور سي السيد ماشاء الله .. مابقي الا يقولك جيبي طشت وحطي موية وملح وغسلي رجولي !!
قولي له نسيت تذبح لي البسة .. والا تخاف منها؟؟؟
ترى في زمان سي السيد كانوا الرجال يجيبوا بسة ليلة الدخلة ويذبحوها قدام الحرمة عشان تخاف وتسمع الكلام
ماشفت بساس مذبوحة يالحبيب !!
لمن تعرف تمسك البسة وتذبحها نتفاهم ... بلا عبط زايد .. ايش هذاااااا؟؟؟؟
لاتعلميه الدلع ... وسيبيكي من اللي تقولك دلعيه وحطيه في عيونك وفوق حواجبك وعلقيه زمام على خشمك ..
الدلع مقابله دلع .. يدلعك ؟؟ دلعيه .. وبالمعقول ..من غير شغل طشوت ومناشف وهبالات
مايدلعك .. بسلامته .. ماهو لازم يتدلع
مرررة خيرررر !! جايبك جارية مسخرة لخدمة حضرة جنابه ؟؟ والا ايش الفكرة ؟؟
فهميه انك بنت ناس .. وجاية بيته معززة مكرمة بمهر ما اشتراكي من سوق الجواري
واسمك زوجة لها حقوق وواجبات زي ماعليها بالضبط
ولك اهل كلامه معاهم لو رجع لقلة الحيا وطلبات الهبلان اللي يسمع لهم

قولي له الكلام اللي فوق .. وان زعل يزعل .. نقي له جدار ينطحه لين يطلع راسه من الجدار الثاني
مو مشكلة علقوا لوحة مكان خرم الجدار حق راسه
والله اتنرفزت :mad:

ههههههههههههههه الله يعينك الصراحه غريبه زوجك هذا من زمان اول الحين ماعد فيه الاخرررفان