حبيبتي اقولك في البداية انت غلطي لما خرجتي بدون اذنةواغلقتي تليفونك
وانا ايضا ضد الضرب بس تلاقية كان غضبان جدا وكانت هذة ردة فعلة بس اتمنى ما يكررها
وان مع احدى الاخوات ان الحياة الزوجية مش اكل وشرب ولبس ونوم صح الزواج مودة ورحمة وايضا حقوق وواجبات ومن حقوقة انك ما تمنعي نفسك عنة لانة بيظن انك كارهتة او مغصوبة علية وهذا شي يجرح كرامة الرجل
ومن حقة تتزيني لة تلاقي بعض النساء ما تتزين الا اذا كان معها مناسبة طيب زوجها احق
فاذا نظر اليها سرتة
وانا مرت عليا حالتك تزوجت من ابن عمي وقعد زوجي معي 17 يوم وسافر ورجع بعد سنة وقعد شهر
وسافر ولما ولدت مرت اخي الي هي اختة رحت بيتنا وقعدت اسبوع واتمنيت اني ما ارجع بيت عمي مرة ثانية رغم ان بيتنا جنب بيت عمي يعي الباب قدام الباب بس واللة اني اتمنيت ان زوجي يتصل ويقولي روحي بيتكم ويطلقني رغم انة قالي قبل ما يسافر انت حرة لو عاوزة تقعدي في بيتكم عند اهلك عادي او عاوزة بيت لوحدك ومش عاوزة تقعدي في بيتنا اعمل الي تبي قلت لة واللة ما اطلع من بيت عمي الا اذا كنت مسافرة عندك
وواللة العظيم اني شفت من زوجي الي ما شفت من ابي الحب والحنان ويعاملني وكاني طفلة
مدللة وانا الحمد للة ما اقصر في حقوقة حتى قبل ما يسافر اخذت الاذن منة وقالي روحي بيت اهلك وعند صديقاتك
بس حاولي تتقربي من زوجك وما تمنعية من حقوقة ولو تغصبي نفسك وتتحملي شوية لما تشوفي كيف زوجك رح يدللك
يمكن لو تمنعي زوجك بعدين يروح في طريق غلط وتكوني السبب
وما حدا تتعالى على زوجها في حقوقة

والله ما عندي شئ اضيفه البنات قالو كل اللي في خاطري وشوفي انا تزوجت في نفس سنك ونفس هذه المشكله صارت معي ونفس الاسلوب كان موقف امي وقلت نفس كلامك واحساسك وكنت انام كثير علشان اصحى ويطلع حلم وربي خليتيني ابكي ذكرتيني بنفسي وكنت اكره النوم معاه لكن بعد ابني الاول كل هذا راح صرت احب زوجي موت وتعلمت الطبيخ وشغل البيت عشان ارضيه لاني فجاه بعد ما ابتعدت عنه اكتشفت اني احبه مووووت

حبيبتي الحل انك تحاولي تحبيه وتتكلمي معاه ودوري نقاط الشبه بينكم ودلعيه وفاجئيه وشوفي كيف راح يحطك بعيونه وتحصني ياعمري لتكوني محسوده لانه انا اكتشفت انه المشاكل اللي بيني وبين زوجي اول الزواج كان سحر ولما فكناه صار واحد ثاني

لاتخليه يقول عنك كئيبه او ممله ودايما تبكي لالالالا اضحكي بوجه ودلعيه وتذكري الاشياء اللي تفرحك وحاولي في المدرسه ىما تتكلمي عنه لانه البنات مره حسودين ..
وبالنسبه لموقف امك عادي علشان تخليك تتمسكي بيتك وتحسي انه ما لك غيره ويخف تعلقك فيهم امي سوت نفس الحركه فيني وبعدين فهمت ليه بس هي اكيد تحبك زي اول وازود كمان

معليش طولت عليكي بس ما اقولك غير الله يوفقك ويجمع بينكم على خير ويبعد عنك الحسودين يا رب .
واي شئ انا حاضره

الله يسخر لك ياقلبي..

انت احتسبي الأجر في كل شي تسوينه .. وخلي قدام عينك انه هو مفتاحك إلى الجنة بإذن الله..

لا تدققين على كل شي.. وخليك سمحة..

تعايشي مع واقعك لأن التحسر مارح يفيدك.. انت بيدك تقدرين تغيرين هذا الواقع.. بس مافي شي يجي ببلاش..

نصيحتي.. تدارك نفسك وأنت في بداية المشوار..

بالتوفيق ياعسل :)

شكلك من النوع اللي مايتأقلم بسرعه...
لاتحطين في بالك بيت اهلك تقبلي وضعك وتعايشي معه وحاولي تحسينه :)

لاحول ولاقوة الابالله

استغرب من بعض الردود اذا ماكان معظمها في منتهى القسوه كلها توصيات بحقوق هالزوج اللي موعارف اسلوب التعامل الصحيح مع عروسه صغيره في السن

مو معناه تزوجت يعني خلاص انقفل عليها باب سجن مؤبد ولازم فيه تكون امه تقوم بواجباته وحقوقه تحت الخوف والاستفزاز ولو نفذت نصيحتكم بتعيش عمرها كله كذا لاتقولي واجب وما واجب يكون واجب في حاله وحده حالة الموده والرحمه....حالة السكن

انتو شايفين الامر طبيعي؟؟ رجاء اللي ترد لاتقيس موضوع هالبنت على تجربتها الشخصيه اللي تقول انتي غلطانه وزوجك ماينلام فيك واللي تقول ترجعين خدامه لاهلك وتاخذين شايب واللي تقول احمدي ربك مااعطاك اكبر من الكف واللي تقول تزوجت وانا صغيره زيك وتعودت خصوصا الاخت ام المجد السعوديه(خافي الله في كلامك لاربي يبلاك في بنتك بيوم من الايام ومن الجهل تقارنينها بنفسك)الحياه عباره عن عطاء وحب بالله كيف تقدر تعطيه من قلبها وتقدس الحياه الزوجيه وهي موقادره تحس بها اصلا

خافو الله في البنت موغصب وبالقوه تحبه كثير منا تزوجو صغار وانا اولهم لكن لوماحسينا لو خمسه بالميه الفه ماكان استمرينا
الأرواح جنود مجندة , فما تعارف منها ائتلف , وما تناكر منها اختلف


افهموما تقول ماقدر احط عيني بعينه.....تبكي بكى لما ينام معها...مابينهم حتى كلام

هذا تنااااااااااااافر واضح مافي مخلوق ينجبر بالقوه يعيش حياه ويتكيف معها وهو بالنفور الواضح هذا

وخلق لكم من انفسكم ازواجا لتسكنو اليها

ماقال ربي العالمين لتنفرو منها

ياحبيبتي انا اقلك كان الله في عونك وانا حاسه فيك وماقدامك الاحل واحد

كلمي امك جوال وقوليلها تجيك البيت ضروري وامك اخبر بك وبه

واشرحي لها كل اللي كتبتيه هنا وقوليلها انه ضربك وخليها تناقش هالمساله مع والدك

فاذا كان نفورك منه مجرد خوف نفسي فيكون الحل بقرب امك ومساعدتها لك وحتى لو اضطرت توديك لطبيب نفسي لتقديم المساعده والنصح فما فيها شي ابدا

اما اذا كان خوفك منه نفور حقيقي وكره ومو قادره تحسين معه باي نوع من الالفه فالحل يعرفه ابوك وامك ولايكلف الله نفسا الاوسعها

اسال الله العظيم يفرج همك وغمك ويبدل احزانك بافراح ولاتقنطين من رحمة الله حبيبتي وتقولين انا فاشله ومو قد الزواج ترى لاشعوريا بيدخل هالشي بذهنك وتصيرين دايم كذا بلعكس انتي قويه وتعتبرين ناضجه وراشده وهذا باين من كتابتك واسلوبك بس انتي فكري زين وفكري الف مره وشوفي اي كفه تربح عندك