اختي انا اشوف المشكله الاولى و الاخيره هي انعدام الكلام بينكم ...

معقوله ازواج و ما تقدرون تكلمون بعض براحه؟؟؟ لاااااااااااااااازم تكلمينه في الموضوع لازم لازم .. او تكتبن له الكلام بطريقه لينه و غير جافه و بأسلوب حلو و صدقيني بيتفهم و بيتغير معاج على طول ...قولي له انه عندج مشكله في العلاقه الخاصة و تحتاجين دعمه و مساندته و تفهمه لج ..

مثل ما قالت الاخت جمارك .. انتي سويتي الاشياء اللي نصحوج فيها البنات ابراء للذمه بس و من غير اقتناع .. يعني كأنج ما سويتي شي ..لازم تسوين اللي ينصحونج فيه البنات و انتي مقتنعه انج انتي تحاولين تحسنين حياتج الزوجيه.. مب بس عشان نقول هي و الله المسكينه تراها حاولت ... لا احنا فاهمين هالحركات (امزح)

و اخت ثانيه قالت انج لازم تغيرين نيتج الاول من الطلاق الى النية الخالصه بإصلاح الزواج .. و تصرفي على هالأساس ... و عامليه معامله حلوة صدقيني بيصير لج عبد .. و بتلاحظين التغير منه على طوووووول .. حاولي تبدين معاه بالسوالف العاديه .. قولي له كيف كان يومك؟ كيف كان الدوام اليوم؟ و سولفي له عن المدرسه .. و صدقيني بيحس انج تبين تتغيرين و هو بيتفتح اكثر و بيكون احسن و احسن ..

حاولي تشوفينه بصفاته الحلوة دايما .. لأنه واضح انه يملك الكثير منها .. و مثل ما قالت احدى الأخوات .. تأملي في ملامحه و شكله .. و فكري بأخلاقه العاليه .. و لا تحسين ان هو غلطان لأنه يطلب المعاشرة الزوجية بالعكس هذا شي جدا طبيعي و انتي اللي فيج شي مو طبيعي فلا تكرهينه وتلومينه على فطرته اللي خلقه الله عليها و وفرها لكل رجل بالحلال عن طريق الزواج ..

البنات اللي وياج بالمدرسة ما بيدومون لج .. اذا تطلقتي و رجعتي لحياتج السابقه مع صديقاتج .. تأكدي ان بعد فترة بيتزوجون و بيتركونج و صدقيني ما بيسألون عنج .. و بعدين ؟؟ شو بيصير فيج؟؟ بييج اليوم اللي بتحتاجين فيه لزوج و .. اطفال .. فخليج مع زوج انتي عارفه انه رجال زين بدل ما تتزوجين واحد يطلع مب زين و يكرهج في الزواج من جد ..

اختي باختصار لازم تكلمين زوجك في الموضوع و تغيرين من اسلوب معاملتج وياه .. مب انتى وعدتينا انج تنفذين النصايح ؟؟ يللا و رينا همتج .. و لا تقولين ما اقدر .. لأن كل ما خليتي الفكره هاي تسيطر على راسج .. كل ما اقتنعتي انج ما تقدرين تحسنين وضعج و بالتالي بتعيشين في عذاب متواصل ..

لا تقولين طلاق.. انتي بعدج صغيرة و مب فاهمه معنى الطلاق و تبعاته .. صدقيني .. انتي اتقولين الزواج صعب.. انا اقول لج الطلاق اصعب .. اسأليني انا وحده مجربه و اقول لج اصعب شي ممكن يمر على المرأه الطلاق .. صعب صعب صعب ....شيلي فكرة الطلاق من راسج حبيبتي ارجووووووووك شيليها .. انتي مشكلتج انج برغم نصايح البنات .. لكن في راسج مصممه على الطلاق ..

و لا تحطين راسج براسه مثل ما قالت لج وحده من الاخوات .. حطي راسج براسه في موضوع السوالف و الدلع بس مش في المشاكل .. يعني اذا قال لج كلمه لا تردينها بعشر .. انا هاي اسوأ نصيحه سمعتها ..

اختي لازم تكلمينه بأي طريقه .. انا حاسه انج اذا اتخذتي الخطوة هاي بتكونين حليتي 80 في الميه من المشكله .. لأن الباقي بيكون بسيط ان شاء الله اذا تعاونتوا عليه انتوا الاثنين ..

و الله يوفقج .. و طمنينا عليج ..

يا رواد حواء
جتكم نجمه بعيده ثانيه
تتوه العبارت لست ادري من أين أبدأ ولكن سأبدأ بـــــ بسم الله الرحمن الرحيم
كنت اتمنى انه أولى مشاراكتي تكون في قسم كله سعاده وفرح بس بجد مشكلة نجمه مو مشكلتها هي لوحديها مشكلة أغلب البنات
:icon33:
هي عروس من خمس شهور وتقول ليتني ما تزوجت
وانا بصير عروس بعد ست شهور واقول ليتني ما وافقت
:icon33:
مدري من وين ابتدي بصراحه ماكان عندي جرأه انه اكتب مشكلتي هنا بس بجد يوم شفت نجمه ايش كاتبه ضاقت الدنيا بي
بستغربون كلامي وتقلون انت ايش دراك جربتي بس بقول انه انا احس انه حياتي بتصير متل نجمه
بتقولون ليش بقول اول شيء انه ماعندي وعي عن الزواج وهذي اكبر مشكله انا مثل نجمه امي الله يطول بعمرها ويديها الصحه مافهمتني ايش يعني زواج كل اللي اعرفه
وتردده على مسامعي من قرب موعد العرس توصيني بالرجال وأهله انا اتوقع انه المشكله الاساسيه الحياء في غير وضعه
صح الحياء شعبه من الايمان بس في امور ما تستدعيه وبعد الخوف اللي طايح علينا مدري من وين وعدم المواجهه كل ذي مسبيبات
يمكن بعد تستغربون انه ماعندنا اي ثقافه في الزواج صح لانه السبب من الاهل الله يحفظهم بس يوم قرب الزواج صرنا ندور في النت ونشوف
اشياء غريبه ماتربنا عليها بس اهم شيء ناخذ اللي يمشي مع الدين اولاً ومع العقل ثانياً
انا مع نجمه انه الاهل الله يحفظهم ويطول بعمرهمٍ صاروا قاسين
نفس احساسي انا حسيت فيه يوم رفضت اللي اتقدم لي وصاروا يضيقوا علي في البيت لين وافقت احسهم بجد باعوني
على انه سبب رفضي مو للشخص نفسه بعد ما تمت الموافقه بعد كم يوم صحيت على نفسي
والله جلست شهرين نفسيتي تعبانه والحمد لله مع بدايه رمضان ارتحت وبعد العيد رجعت انكست مره ثانيه لدرجة انه عرسي بدايه الصيف
والى الآن ما سويت ولا شيء مالي نفس
بقول لكم شي اختلف عن نجمه فيه هو خلاص انا في داخلي عارفه انه هذي حياتي بعيشها بالطول بالعرض واكيد انا الوحيده اللي
احدد مدى سعادتي بس قلت لكم انه أهالينا مربينا على الخجل واكيد هذا بحد ذاته بيكون عقبه
اللي اود اقوله لنجمه شوفيني انا مثلك وانتي اكيد احسن مني لانه ساكنه في نفس المدينه اللي فيها اهلك ويش اقول انا اللي بعد ست شهور بروح مدينه ماعمري
شفتها ومالي فيها احد اعرفه غيره هو
نجمه
بإختصار شديد
فكري بعقل بما انك توجيهي وهذي مرحله مهمه قد ايش الانسان يتعب فيها علشان يجيب اعلى درجات لانه من خلالها بيتحدد مستقبله
لوانه لا قدر الله سقطت في ماده ايش بتسوين بتقولين خلاص مستقلبي ضاع وبتجلسين تبيكين وبس وإلا بدورين حل وبتفكرين
وبتقوليين ادخل دور ثاني واجد واجتهد واحاول اجيب درجات او خلاص اضغط على نفسي واعيد السنه وراح اتعب واواجه كل الصعوبات
علشان اجيب مجموع علشان احقق مسقبلي
هو كذا الزواج
>>>>>انصحي نفسك الاول
>>>>>لو انضربت بكره ماعندها اهل تروح عندهم ويش تسوي تروح للجيرانٍ
بجد انا سعيده لتواجدي معاكم
:27: :27: :27:

دمتم بخير

آسغه لاني تاخرت في الردود لاني الاربعاء والخميس ما كنت موجوده في البيت
شكرآ يا بشائر
شكرآ يا احبك زوجي
شكرآ يا ام ملاك
شكرآ يا هوني
شكرآ يا ام غايه

شكرآ يا um hissa
شكرآ يا قطه
شكرآ ياlcy
شكرآ يا هجران
شكرآ يا ريم الشارقه انا غيرت نيتي في الطلاق لاني قبل كنت اعتبر الطلاق امنيه ممكن تحصل وانسى الماضي لاكن الطلاق بنسبه لي الان مستحيييييييييييييييل لثلاته اسباب وهي اهلي انهم راح يرفضوا طلاقي
وزوجي قلي لما تكلم معاي عن كذبتي ..عليه واللي راح اكتب لكم بعد كذا اللي سار.. انه اذا انا كذبت عليه عشان ارجع عند اهلي ان (نجوم السماء اقرب لي )
والسبب الثالث انا ..
شكرآ يا وره على احساسك
وانا اتمنى انك ما تسيري مثلي
وانا متاكده انك منت مثلي لانك انت ذكيه وانا غبيه اقولها لك وانا ابكي
انت قبل ما تتزوجي تخيلتي حياتك بعد الزواج انا لالالالالالا
انت فكرتي في المشكلات اللي راح تواجهك بعد الزواج انا لالالالالالا
راح تقولي اش تخيلت انا ما تخيلت شيء
فكرت في الحفله والفستان وبس
فكرت اني راح اكون سعيده ماادري كيف
الله يوفقك في حياتك

هذي اول واخر مره بالنسبه لموضوع الضرب
لكن الحذر ثم الحذر من تكرار الضرب والا بعدين بيكون شيء عادي
لاني اعرف امراه تتعرض للضرب كثييييييييييييييييرا وكانت البدايه اول سنة زواج وقالت سوف اذهب عند اهلي وافق لانه في نظره المراه في غيرها كثييييييييير ( هذا تفكير الانسان المنحط ) وخافت انه يطلقها ورجعت اليه واعتذرت منه وسكت عنها
لكن ماذا حدث بعد ذلك اصبح عند كل صغيره وكبيره يضربها وانجبت الاولاد والاولاد كبروا
واصبحوا يرون اباهم وهو يضرب امهم لكن اعمارهم 14 سنه تقريبا والى الان لازال مسلسل الضرب مستمر الله يساعدها
لذلك لاباس اول مره لكن لايجب ان يتكرر الموضوع والا فسوف تصبح عاده عنده ( عند كل مشكله بيضرب )
والله يوفقك ويرزقك بالذريه الصالحه